धान के बदला सूरजमुखी के खेती कर किसान श्री तेजराम लेवत हे लाभ
रायगढ़, कुछ समय पहिली तक छत्तीसगढ़ के किसान धान के फसल के अलावा दूसरा फसल के बारे म सोचत तको नई रहिस हे। लेकिन मुख्यमंत्री श्री भूपेश बघेल के द्वारा किसान मन ब शुरू करे गए राजीव गांधी किसान न्याय योजना के चलते किसान अब धान के बदला दूसर फसल के खेती ब प्रोत्साहित होवत हे। काबर के धान के अलावा आने फसल ल लगाय ब शासन छत्तीसगढ़ के किसान मन ल 9 ले 10 हजार प्रति एकड़ सब्सिडी देवत हे।
छत्तीसगढ़ म किसान ल ओमन के उपज के सही कीमत देवाये ब राजीव गांधी किसान न्याय योजना संचालित हावय। प्रदेश म किसान मन ल पिछले चार बरस म 18,208 करोड़ रूपिया के इनपुट सब्सिडी दिए जा चुके हे। राज्य के अन्नदाता के बेहतरी अउ ओमन के आर्थिक स्थिति ल मजबूत करे ब राज्य सरकार ह किसान मन ले प्रति एकड़ 20 क्विंटल धान के खरीदी करे के निर्णय लिए हे।
योजना ले प्रोत्साहित हो के रायगढ़ जिला स्थित ग्राम बोन्दा विकासखण्ड पुसौर के किसान श्री तेजराम गुप्ता ह अपन खेत म सूरजमुखी के फसल लगा के दोहरा लाभ लेवत हे। श्री गुप्ता ह बताइस कि ओकर करा कुल 4.130 हेक्टेयर भुइयां हावय। जेमा ओ ह खरीफ म धान के खेती अउ रबी म 2 हेक्टेयर म धान के खेती करे। ए रबी के मौसम म ग्रामीण कृषि विस्तार अधिकारी श्री एच.के.साहु ह राजीव गांधी किसान न्याय योजना के बारे म बताइस अउ ओकर दिए जानकारी प्रभावित हो के ओ ह 2 हैक्टेयर म सूरजमुखी लगाए के निश्चय करिस। एमा धान के तुलना म बहुत कम मात्रा म पानी क3 आवश्यकता परथे। वर्तमान म फसल काटने योग्य हो गए हे अउ फसल के उपज काफी अच्छा होईस हे। ओ ह बताइस कि ए फसल ले काफी मात्रा म लाभ होए के उम्मीद हे।
