राज्य के साढ़े 24 लाख किसान मन ल राजीव गांधी किसान न्याय योजना के तहत मिलही 1895 करोड़ रूपिया के पहिली किश्त

मुख्यमंत्री श्री भूपेश बघेल 21 मई के सांकरा पाटन म आयोजित होए वाले भरोसे के सम्मेलन म करही किसान मन के खाता म राशि के अंतरण
राजीव गांधी किसान न्याय योजना के तहत छत्तीसगढ़ सरकार दे चुके हे राज्य के किसान मन ल अभी तक 18,208 करोड़ रूपिया के इनपुट सब्सिडी
रायपुर, भारत रत्न पूर्व प्रधानमंत्री स्वर्गीय श्री राजीव गांधी के पुण्यतिथि 21 मई के राज्य के किसान मन ल राजीव गांधी किसान न्याय योजना के तहत ए साल दीए जाए वाले सौगात के सिलसिला के सुरुआत करे जाथ हे। मुख्यमंत्री श्री भूपेश बघेल 21 मई के दुर्ग जिला के सांकरा पाटन म आयोजित होए वाले भरोसे के सम्मेलन म राज्य के 24 लाख 52 हजार 592 किसान मन ल इस योजना के पहली किश्त के रूप म 1894 करोड़ 93 लाख रूपिया के राशि ले ऑनलाईन अंतरण ओमन के बैंक खाता म करही। तेकर गए ले किसान मन आगामी अगस्त, अक्टूबर अउ मार्च महीना म क्रमशः तीन अउ किश्त म राशि दीए जाही जे ह लगभग 6000 करोड़ रुपिया के होही। छत्तीसगढ़ सरकार ह चालू वित्तीय वर्ष म स योजना के तहत 6800 करोड़ रुपिया के प्रावधान राखे हावय, फेर बीते खरीफ सीजन म पंजीकृत किसान ले संख्या ,रकबा अउ धान के रिकार्ड खरीदी ल देखत हुए स योजना के तहत किसान मन ल दीए जाए वाले इनपुट सब्सिडी के राशि लगभग 8000 करोड़ होए के अनुमान हे।
गौरतलब हवय कि राजीव गांधी किसान न्याय योजना के अंतर्गत कृषि लागत मे
कमी लाए, फसल विविधिकरण ल बढ़ावा देहे के उद्देश्य ले खरीफ फसल के उत्पादक कृषक मन ल प्रति एकड़ के मान ले 9 हजार रूपिया के इनपुट सब्सिडी दीए जाथ हे। खरीफ वर्ष 2019 ले लागू ए योजना के तहत राज्य के किसान मन ल अभी तक 18208 करोड़ रूपिया के इनपुट सब्सिडी दीए जा चुके हे।