रइपुर, 20 अगस्त 2021 शुकवार। देश के पूर्व प्रधानमंत्री भारतरत्न स्वर्गीय श्री राजीव गांधी के जयंती ’सद्भावना दिवस’ के मउका म प्रदेश के मुख्यमंत्री दाउ भूपेश बघेल ह अपन घरू कार्यालय म होवइया कार्यक्रम म कहीन कि छत्तीसगढ़ सरकार के राजीव गांधी किसान न्याय योजना किसान मन के जीवन म नवा बिहान लेके आए हे अउ राजीव गांधी ग्रामीण भूमिहीन कृषि मजदूर न्याय योजना ये वित्तीय बछश्र के अंत तक अमल म आ जाही। योजना के अंतर्गत ग्रामीण भूमिहीन मजदूर मन ल हरेक बछर 6 हजार रूपए देहे के निर्णय लेहे गे हवय। येकर ले लगभग 10 लाख ग्रामीण भूमिहीन मजदूर लाभान्वित होही।
मुख्यमंत्री राज्य के धान अउ गन्ना उत्पादक करीब 21 लाख किसान मन ल राजीव गांधी किसान न्याय योजना के तहत 1522 करोड़ रूपए आदान सहायता के दूसरइया किश्त के भुगतान सीधा उन्कर बैंक खाता मन म करीन। मुख्यमंत्री ह कार्यक्रम म गोधन न्याय योजना के अंतर्गत पशुपालक अउ संग्राहक मन ले क्रय करे गेहे गोबर अउ गौठान समिति अउ महिला स्व-सहायता समूह मन ल कुल 9 करोड़ 03 लाख रूपिया तको ऑनलाईन अंतरण करीन। कार्यक्रम म मुख्यमंत्री ह भिलाई निगम क्षेत्र के अंतर्गत राजीव आश्रय योजना के हितग्राही मन ल पट्टा बाँटिन।
राजीव गांधी किसान न्याय योजना ले किसान मन के जीवन म आइस नवा बिहान: दाउ भूपेश बघेल : किसान मन ल 1522 करोड़ रूपिया दूसरइया किस्त के होइस भुगतान
