- प्रदेश के 11.46 लाख ले जादा तेंदूपत्ता संग्राहक मन ल मिलही 232.81 करोड़ रूपिया के प्रोत्साहन पारिश्रमिक
- गोधन न्याय योजना: विक्रेता मन ल दूसर पखवाड़ा म बेचे गए गोबर के मिलही राशि
- वीडियो कॉन्फ्रेंसिंग के संग आयोजित होही कार्यक्रम
रायपुर, 19 अगस्त 2020। मुख्यमंत्री श्री भूपेश बघेल अपन मंत्री मण्डल के सहयोगी मन के संग पूर्व प्रधानमंत्री भारतरत्न स्वर्गीय श्री राजीव गांधी के जयंती 20 अगस्त ल अपन निवास कार्यालय म वीडियो कॉन्फ्रेंसिंग के माध्यम ले आयोजित कार्यक्रम म राजीव गांधी किसान न्याय योजना के तहत प्रदेश के 19 लाख किसान मन ल 1500 करोड़ रूपिया के दुसर किश्त के राशि के ऑनलाईन अंतरण करहीं। मुख्यमंत्री ये बेरा म तेंदूपत्ता संग्राहक मन ल साल 2018 के प्रोत्साहन पारिश्रमिक के रूप म 232.81 करोड़ के राशि ऊंखर खाता मन म अंतरित करहीं संगेच गोधन न्याय योजना के तहत गोबर विक्रेता मन ल दूसर पखवाड़ा म बेचे गए गोबर के राशि के अंतरण घलोक करहीं।
छत्तीसगढ़ सरकार के राजीव गांधी किसान न्याय योजना के तहत प्रदेश के 19 लाख किसान मन ल 5750 करोड़ के अनुदान सहायता राशि देहे जात हे। जेमां पहिली किश्त के रूप म 1500 करोड़ के राशि राजीव गांधी जी के शहादत दिवस 21 मई के देहे गए रहिस उहें ये योजना के तहत दुसर किश्त के रूप म 1500 करोड़ के राशि 20 अगस्त के देहे जाही हे। राज्य सरकार कोति ले प्रदेश म गोधन न्याय योजना के तहत दू रूपिया प्रति किलो के दर ले गोबर के खरीदी करे जात हे। ये योजना के तहत 2 अगस्त ले 15 अगस्त तक खरीदे गए गोबर के राशि घलोक विक्रेता मन ल ऊंखर खाता म अंतरित करे जाही।
ये बेरा म प्रदेश के 114 विकासखण्ड के अंतर्गत तेंदूपत्ता संग्रहण साल 2018 सीजन म 728 समिति मन के 11 लाख 46 हजार 626 तेंदूपत्ता संग्राहक मन ल 232 करोड़ 81 लाख रूपिया के प्रोत्साहन पारिश्रमिक के राशि तको वितरित करे जाही। मुख्यमंत्री श्री बघेल ये राशि सीधा तेंदूपत्ता संग्राहक मन के खाता म आर.टी.जी.एस. के संग अंतरित करहीं। तेंदूपत्ता संग्राहक मन ल प्रोत्साहन पारिश्रमिक वितरित करे बर संबंधित जिला मन म जिला स्तर म अऊ 114 विकासखण्ड मन म कार्यक्रम आयोजित करे जाही। विकाखण्ड स्तर म आयोजित होवइया कार्यक्रम मन म सबले जादा प्रोत्साहन पारिश्रमिक के राशि प्राप्त करइया 10 संग्राहक सदस्य मन ल सम्मानित करे जाही।
जानबा हे के तेंदूपत्ता संग्रहण साल 2018 सीजन म प्रदेश के 880 प्राथमिक वन समिति मन ह कुल 14.85 लाख मानक बोरा तेंदूपत्ता के संग्रहण करे रहिन। संग्रहण पारिश्रमिक के दर साल 2018 म 2500 रूपिया प्रति मानक बोरा रहिस। साल 2018 म 11 लाख 98 हजार 673 तेंदूपत्ता संग्राहक मन ल 371.15 करोड़ रूपिया के राशि संग्रहण पारिश्रमिक के रूप म वितरित करे गीस। ए 880 समिति मन म ले 854 समिति मन के तेंदूपत्ता के निर्वर्तन निविदा के माध्यम ले करे गए हे। एमां ले 728 समिति मन लाभ के स्थिति म रहिन। तेंदूपत्ता व्यापार ले शुद्ध लाभ के 80 प्रतिशत राशि प्रोत्साहन पारिश्रमिक के रूप म तेंदूपत्ता संग्राहक मन ल वितरण करे के प्रावधान राज्य शासन के नीति म हे।
लाभ के स्थिति वाले 728 समिति मन के 11 लाख 46 हजार 626 तेंदूपत्ता संग्राहक मन ल कुल 232.81 करोड़ रूपिया के राशि प्रोत्साहन पारिश्रमिक के रूप म वितरित करे जाही। ये समिति मन प्रदेश के 114 विकासखण्ड के अंतर्गत स्थित हे। जऊन संग्राहक मन के बैंक खाता के विवरण प्राप्त हो गए हे, ऊंखर खाता म ये राशि सीधा एक्सिस बैंक के माध्यम ले आर.टी.जी.एस ले भेजी जाही।