रायपुर, 27 मई 2020। राजीव गांधी किसान न्याय योजना के तहत दुर्ग जिला के ग्राम मतवारी निवासी 93 वर्षीय किसान श्री दुखुत राम साहू ल पहिली किश्त के रूप म एक लाख रूपिया मिले म वो ह मुख्यमंत्री श्री भूपेश बघेल अऊ राज्य सरकार के प्रति आभार जताइस। श्री दुखुत राम साहू ह कहिन के मुख्यमंत्री श्री भूपेश बघेल ह किसान मन के दर्द ल समझिस अऊ किसान मन ल मजबूत बनाए बर किसान मन बर योजना बनाके अपन वादा पूरा करिस। आप मन ल बता देवन के किसान श्री दुखुत राम साहू 26 मई संझा के मुख्यमंत्री निवास म श्री बघेल ले मिलके ओ मन ल आशीर्वाद देवत प्रदेश के किसान मन के हित म राजीव गांधी किसान न्याय योजना लाय बर धन्यवाद दीस।
किसान श्री दुखुत राम साहू दुर्ग जिला के किसान मन के संग राजीव गांधी किसान न्याय योजना के तहत मिले पहिली किश्त के राशि म ले प्रति क्विंटल 50-50 रूपिया के हिसाब ले नोवेल कोरोना वायरस (कोविड-19) के संक्रमण के रोकथाम अऊ लॉकडाउन ले उत्पन्न परिस्थिति मन के कारण जरूरतमंद अऊ श्रमिक मन के व्यवस्था बर ‘मुख्यमंत्री राहत कोष‘ म चेक भेट करे मुख्यमंत्री निवास पहुंचे रहिस।
