- 21 मई के प्रदेश के 22 लाख किसान मन के खाता म कृषि आदान सहायता (इनपुट सब्सिडी) के रूप म देहे जाही 1500 करोड़ रूपिया के राशि
- गोधन न्याय योजना: पशुपालक मन ले 15 मार्च ले 15 मई तक खरीदे गए गोबर के एवज म होही 7.17 करोड़ रूपिया के भुगतान
- गौठान समिति अऊ महिला स्व-सहायता समूह मन ल देहे जाही 3.6 करोड़ रूपिया
- दिल्ली ले श्रीमती सोनिया गांधी अऊ श्री राहुल गांधी वीडियो कांफ्रेसिंग के साथ कार्यक्रम म होही सामिल
- पूर्व प्रधानमंत्री स्वर्गीय श्री राजीव गांधी के पुण्यतिथि म मुख्यमंत्री श्री भूपेश बघेल कृषि आदान सहायता राशि अऊ गोधन न्याय योजना के राशि के करहीं ऑनलाईन अंतरण
- मंत्रीपरिषद के सदस्यगण, सांसद, विधायक संग आन जनप्रतिनिधि होही सामिल
रायपुर, 21 मई 2021। पूर्व प्रधानमंत्री भारत रत्न स्वर्गीय श्री राजीव गांधी के आज 21 मई के पुण्यतिथि छत्तीसगढ़ सरकार ह राजीव गांधी किसान न्याय योजना के तहत खरीफ सीजन 2020-21 के पहली किश्त के रूप म प्रदेश के 22 लाख किसान मन ल 1500 करोड़ रूपिया के कृषि आदान सहायता राशि (इनपुट सब्सिडी) प्रदान करे जाही। एखर संगेच गोधन न्याय योजना के तहत राज्य के करीब 72 हजार पशुपालक मन ल गोबर खरीदी के एवज म 7 करोड़ 17 लाख रूपिया अऊ गौठान समिति मन अऊ महिला स्व-सहायता समूह मन ल 3.6 करोड़ रूपिया के राशि ऑनलाइन अंतरित करे जाही। वीडियो कांफ्रेंसिंग के संग सांसद श्रीमती सोनिया गांधी अऊ सांसद श्री राहुल गांधी के उपस्थिति म ये कार्यक्रम आयोजित होही।
