- जिला के पंजीकृत 1,87,077 किसान मन ले 80.55 लाख क्विंटल धान के खरीदी के लक्ष्य
- अब तक 91,592 किसान मन ह बेचिन धान
जांजगीर-चांपा, 28 दिसंबर 2020। भाठापारा (जांजगीर) के किसान श्री अवध कुमार सूर्यवंशी ह कहिस के राज्य सरकार ह धान के कीमत 2500 रूपिया प्रति क्विंटल देवाके किसान मन के मान अऊ स्वाभिमान बढ़ाए हे। राजीव गांधी किसान न्याय योजना के माध्यम ले साल 2019-20 म समर्थन मूल्य म बेचे गए धान के अंतर के राशि के 4 किश्त म भुगतान करे जात हे। अब तक 3 किश्त मिले म किसान मन के चेहरा म खुशी हे। किसान मन ल धान के उचित मूल्य मिले ले उंखर आत्मविश्वास बाढ़े हे।
अब युवा किसान घलोक खेती-किसानी म रूचि लेहे लगे हें। श्री सूर्यवंशी ह कहिन के किसान मन के सहूलियत ल ध्यान रखत ये साल घलोक समर्थन मूल्य म धान खरीदी बर समुचित प्रबंध करे गए हे। उमन बताइन के गुरूवार 24 दिसंबर के 72 कट्टी धान बेचे बर टोकन कटवाया रहिन। आज निरधारित तारीक 28 दिसंबर के पेण्ड्री धान उपार्जन केन्द्र म धान लाय म सहजता ले तौलाई घलोक हो गीस। श्री अवध कुमार ह जिला प्रशासन के धान खरीदी के पुख्ता व्यवस्था कल सहराइन।
जानबा हे के जिला प्रशासन ह खरीफ विपणन साल 2020-21 बर एक लाख 87 हजार 77 पंजीकृत किसान मन ले धान खरीदी बर 230 उपार्जन केन्द्र के व्यवस्था करे हे। ये साल किसान मन ले 80.55 लाख क्विंटल धान के खरीदी के लक्ष्य रखे गए हे। राज्य सरकार के निर्देशानुसार सबो उपार्जन केन्द्र मन म जरूरी व्यवस्था करे गए हे। जिला म अब तक 91हजार 901 ले जादा किसान अपन धान बेच डरे हें।
