पूर्व प्रधानमंत्री भारत रत्न स्वर्गीय श्री राजीव गांधी के आज पुण्य तिथि म मुख्यमंत्री श्री भूपेश बघेल अऊ ऊंखर मंत्रिमंडल के सहयोगी मन ह दीन विनम्र श्रद्धांजलि

रायपुर, 21 मई 2020। पूर्व प्रधानमंत्री भारत रत्न स्वर्गीय श्री राजीव गांधी के पुण्य तिथि 21 मई के आज मुख्यमंत्री श्री भूपेश बघेल ह अपन निवास कार्यालय म विधान सभा अध्यक्ष डॉ चरणदास महंत अऊ मंत्रिमंडल के सहयोगी मन के संग स्वर्गीय श्री राजीव गांधी के तैलचित्र म श्रद्धा सुमन अर्पित करके विनम्र श्रद्धांजलि दीन। आज आतंकवाद विरोधी दिवस के अवसर म मुख्यमंत्री श्री बघेल संग मंत्रिगण अऊ उपस्थित सबो मनखे मन ह देश के अहिंसा अउ सहनशीलता के परंपरा के प्रति अपन दृढ़ विश्वास प्रकट करत आतंकवाद अऊ हिंसा के डटके विरोध करे, मानव जाति के सबो वर्ग के बीच शांति, सामाजिक सद्भाव अऊ सूझबूझ कायम करे अऊ मानव जीवन मूल्य मन ल खतरा पहुंचइया अऊ विघटनकारी शक्ति मन ले लड़े के शपथ लीन।