रइपुर, 20 अगस्त 2021 शाुकवार। छत्तीसगढ़ आज देश के पूर्व प्रधानमंत्री, भारतरत्न अउ 21वीं सदी के आधुनिक भारत के सपना देखइया स्वर्गीय श्री राजीव गांधी के जयंती सद्भावना दिवस के रूप म मनाय गईस। मुख्यमंत्री दाउ भूपेश बघेल ह अपन घरू कार्यालय म देश के पूर्व प्रधानमंत्री स्वर्गीय श्री राजीव गांधी के तैल चित्र म माला डारके उन ल नमन करत कहीन कि समावेशी विकास के दूरदर्शितापूर्ण सोच संग त्रिस्तरीय पंचायती राज व्यवस्था, संचार क्रांति अउ युवा मन ल मतदान के अधिकार जइसन निर्णय लेके उन 21वीं सदी के भारत के नेहे रखीन। राजीव जी के जन्मदिवस ल देश म सदभावना दिवस के रूप म मनाथे। मुख्यमंत्री दाउ भूपेश बघेल, विधानसभा अध्यक्ष डॉ. चरणदास महंत संग मंत्रिमंडल के सदस्य मन मुख्यमंत्री घर होवइया कार्यक्रम म सद्भावना दिवस के किरिया खाइन।
राजीव गांधी जी ह 21वीं सदी के भारत के रखीन नेह : मुख्यमंत्री दाउ भूपेश बघेल
