राजनांदगांव कलेक्टर टोपेश्वर वर्मा ह गिरदावरी काम के फील्ड इंस्पेक्शन करिन, खुद भुईंया पंजी अउ रकबा के करिन मिलान 

रायपुर, 19 सितंबर 2020। भूपेश सरकार ह माटी ले जुड़े किसान मन बर लगातार प्रयास करत हे। शासन के निर्देशानुसार प्रदेश के आने-आने जिला म राजस्व अउ कृषि विभाग के मैदानी अधिकारी कर्मचारी मन के डाहर ले किसान मन के खेत म मउका म जाके फसल के गिरदावरी के काम करे जावत हे। इही कड़ी म राजनांदगांव के कलेक्टर टोपेश्वर वर्मा ह डोंगरगढ़ विकासखंड के ग्राम बनाराकला म गिरदावरी काम के निरीक्षण करत हे। ओमन मउका म जाके भुईयां पंजी ले रकबा के मिलान करिन। उमन कहिन कि गिरदावरी काम पूरा ईमानदारी पूर्वक समय-सीमा म पूरा करव। धान खरीदी म कोनों भी प्रकार के दिक्कत नइ आना चाहिए। निरीक्षण के दौरान उमन किसान ले बात करिन अउ धान बेचे के बारे म पुछिस। किसान मन बतइस कि पीडीएस म पंजीयन नइ होय हे। कलेक्टर वर्मा ह अधिकारी मन ल निर्देश दिस कि तत्काल पंजीयन कराय जाए जेकर ले शासन के योजना के लाभ किसान मन ल मिल सके।