गिरधर देवांगन के घर बनिस मिनी पावरहाऊस

सूर्यघर योजना ले शून्य होइस बिजली बिल, उपभोक्ता बनिन ऊर्जा उत्पादक
राजनांदगांव, प्रधानमंत्री सूर्यघर मुफ्त बिजली योजना आम उपभोक्ता मन बर वरदान साबित होवत हे। राजनांदगांव शहर के गौरी नगर के रहवइया श्री गिरधर लाल देवांगन एकर जीवंत उदाहरण हे। श्री गिरधर देवांगन बतात हे के ओ ल जब समाचार पत्र के माध्यम ले ए योजना के जानकारी मिलीस, त वो ह तुरंते ए योजना के तहत आवेदन करके अपन घर के छत म 5.5 किलोवाट क्षमता के सोलर रूफटॉप सिसटम स्थापित कराइस। ए म कुल लागत 3 लाख 40 हजार रूपिया आइस। योजना के तहत केंद्र सरकार कोति ले ओ ल 78 हजार रूपिया के सब्सिडी मिल गे, उहें राज्य शासन कोति ले 30 हजार रूपिया के अकतहा सब्सिडी मिलइया हे। ए प्रकार ले 1 लाख 8 हजार रुपिया के सब्सिडी ले सोलर सिसटम के सही लागत आधा हो जाही।
प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार व्यक्त करत श्री गिरधर देवांगन ह नागरिक मन ले प्रधानमंत्री सूर्यघर मुफ्त बिजली योजना के लाभ लेके बिजली खर्च म बचत करे अऊ देश ल ऊर्जा के क्षेत्र म आत्मनिर्भर बनाए म सहयोग करे के अपील केरे हे।