सपना ल मिलीस मंजिल : मुख्यमंत्री युवा स्वरोजगार योजना ले भूपेन्द्र ह खोलिस किराना दुकान

राजनांदगांव, 19 दिसम्बर 2020। आत्मविश्वास अऊ आत्मनिर्भर होए के खुशी भूपेन्द्र के चेहरा म साफ दिखाई देथे। वोखर सपना ल मंजिल मिले हे, शासन के मुख्यमंत्री युवा स्वरोजगार योजना ले। ओला उद्योग विभाग ले ये योजना के तहत 1 लाख रूपिया के राशि ऋण म मिलीस, जेखर से वो ह रेवाडीह म किराना के दुकान खोल लीस। श्री भूपेन्द्र राजपूत ह बताइस के शासन के सहायता ले ओला बहुत मदद मिलीस अऊ अपन किराना के दुकान खोले के हिम्मत बाढि़स। अब हमार किराना के दुकान बवे चलत हे। कॉलोनी के तीर-तखार के ग्राहक बनेच आवत हें। वोकर पिता जी के मृत्यु के बाद परिवार के जिम्मेदारी घलोक वोकर उपर रहिस, अइसन म वो अब सब के मदद करके खुश हे। वोकर बताती मुख्यमंत्री युवा स्वरोजगार युवा मन बर बहुत अच्छा हे। वो ह अब किराना के सामान लाय बर अपन गाड़ी घलोक बिसा लेहे हे। वोखर माता श्रीमती उमा बाई राजपूत ह प्रसंन्नता जाहिर करत बताइस के अपन मेहनत ले ओखर बेटा आज सफल हो गए हे।