– शासन के योजना ग्रामीण क्षेत्र म लावत हे सामाजिक बदलाव अउ जागरूकता
– अंतर्मुखी अउ संकोची स्वभाव के महिला मन बनिस निर्भीक
– वर्मी कम्पोस्ट बेचरि ले 8 लाख 85 हजार 920 रूपिया के मिलिस लाभांश राशि
– पुरसो ह बिसाइस फ्रिज, दीपिका देवत हे लईका मन ल बढ़िया शिक्षा
राजनांदगांव, धुन के पक्का, ऊर्जावान, उत्साही महिला मन के मुख ले ओमन के स्वावलंबी होए के खुशी बयां होवत हे। शासन ले योजना ग्रामीण क्षेत्र म सामाजिक बदलाव अउ जागरूकता लावत हे। महिला मन ल हौसला अउ संबल मिलिस, शासन के सुराजी गांव योजना अउ गोधन न्याय योजना ले। राजनांदगांव जिला के ग्राम सांकरा के गौठान के महिला मन म आत्मविश्वास बाढ़ीस अउ ओ ह पहिली ले निर्भीक अउ निडर बनिस। ए ह ओ अंतर्मुखी अउ संकोची स्वभाव के महिला मन के कहानी हे। के मन ह अपन जीवन ल बदले ब पुरजोर कोशिश करे हे। घर के चारदीवारी ले बाहिर निकल के बुता करे ह चुनौतीपूर्ण जरूर रहिस हे, लेकिन ओमन ह हिम्मत नई हारिस। एकता, आपसी मेलजोल अउ सहभागिता ले समूह के महिला मन ह सशक्त होइस।
समूह के अध्यक्ष श्रीमती पूर्णिमा ह बतइस कि ज्योति महिला स्वसहायता समूह ह वर्मी कम्पोस्ट निर्माण के बुता गौठान म करत हे। गोधन न्याय योजना के तहत अभी तक 743767 किलो गोबर के खरीदी करे गए हे अउ 279910 किलो वर्मी कम्पोस्ट के उत्पादन करे गय जे। समूह ल वर्मी कम्पोस्ट बेचरी ले 8 लाख 85 हजार 920 रूपिया के लाभांश राशि मिलिस हे। केचुआ संवर्धन ले 1 लाख 44 हजार, सब्जी-भाजी ले 11 हजार अउ रागी के लड्डू बना के 10 हजार रूपिया के की आमदनी होइस हे। ओ ह मुख्यमंत्री श्री भूपेश बघेल ल अबड़ अकन धन्यवाद दिस हे। श्रीमती पुरसो बाई निषाद ह बतइस कि पहिली ओ ज बेरोजगार रहिस हे। गौठान म बुता कर के आर्थिक रूप ले मजबूत बनिस । वर्मी कम्पोस्ट ले मिले पईसा ले ओ ह अपन घर ब फ्रिज बीसइस। दीपिका निर्मलकर ह बताइस कि इहां वर्मी कम्पोस्ट ले प्राप्त राशि ले ओ ह अपन लईका मन ह बढ़िया अच्छा शिक्षा देवत हे। समूह के महिला मन ह बतइस कि ओमन ह प्राप्त राशि ले गहना गुथा घलो बीसाइस हे। समूह के महिला मन ह मुख्यमंत्री के अंतस ले अभार मानत हे।
