रइपुर, 16 अगस्त 2021 सम्मार। वर्तमान राजनांदगांव जिला ले अलग होके बने नवा जिला मोहला-मानपुर-चौकी के नाम ले जाने जाही। मुख्यमंत्री दाउ भूपेश बघेल ह आज राजनांदगांव जिला ले मुलाकाती प्रतिनिधि-मंडल के आग्रह म ये घोषणा करीन हवय। प्रतिनिधि-मंडल ह ये निर्णय बर मुख्यमंत्री दाउ बघेल के प्रति आभार जताइन अउ सहिराइन।
जानबा होवय कि मुख्यमंत्री दाउ भूपेश बघेल कोति ले 75वां स्वतंत्रता दिवस के बेरा म राज्य म चार ठिन नवा जिला के गठन के घोषणा करे गे हवय। प्रतिनिधिमंडल म जिला केंद्रीय सहकारी बैंक राजनांदगांव के अध्यक्ष श्री नवाज खान, राजगामी संपदा राजनांदगांव के सदस्य श्री रमेश खंडेलवाल, नगर पंचायत अंबागढ़ चौकी के अध्यक्ष श्रीमती विद्या रमेश ताम्रकार, उपाध्यक्ष श्री रितेश मेश्राम, पार्षद श्री अशोक वर्मा, श्री विजय यादव, श्रीमती साधना सिंह, पूर्व पार्षद श्री दामोदर शर्मा, श्री अबदुल रफीक खान, श्री नरेश शुक्ला संग अबड़ झिन गणमान्य नागरिक संघरीन।
राजनांदगांव ले अलगियाए नवा जिला के नाम होही मोहला-मानपुर-चौकी : मुख्यमंत्री दाउ भूपेश बघेल
