– महिला मन म के मुख के मुस्कान बताते कि ओमन ह अब अपन झिझक अउ संकोच ल दूरिहा कर दिस हे
– वर्मी कम्पोस्ट निर्माण ले समूह के महिला मन ल मिलिस 4 लाख 30 हजार रूपिया के लाभांश राशि
– सामुदायिक बाड़ी ले विगत बछर म लगभग 1 लाख 50 हजार रूपिया के साग सालन के बेचरि
– कुक्कुट पालन ले होइस लगभग 2 लाख रूपिया के आमदनी
– मछरी पालन ले होइस 30 हजार रूपिया के फायदा
– मशरूम उत्पादन, केला, हल्दी, नेपियर घास ले लेवत हे फसल
राजनांदगांव, ग्रामीण क्षेत्र म शासन के सुराजी गांव योजना ले आमूलचूल परिवर्तन आये हे। समूह के महिला मन मिल के गौठान म करत हे बुता। सामूहिक एकता अउ मेहनत ले ओमन के जीवन बदलत हे। शासन के नरवा, घुरवा, गरवा, बाड़ी योजना के तहत राजनांदगांव जिला के मोखला गांव के गौठान म समूह के महिला बहुआयामी काम करत हे। कई प्रकार के काम ले जुड़ के ओमन के आमदनी बाढिस हे। समूह के श्रीमती नीलम साहू ह बतइस कि जय माँ दुर्गा स्वसहायता समूह के महिला मन इहां वर्मी कम्पोस्ट निर्माण करत हे। अभी तक गौठान म 982 क्विंटल 74 किलो वर्मी कम्पोस्ट के निर्माण करे गय हे। वर्मी कम्पोस्ट के बेचरी ले 9 लाख 82 हजार के कुल लाभांश राशि सोसायटी, गौठान समिति अउ समूह के महिला मन ल मिले हे। जेमा के 4 लाख 30 हजार रूपिया के लाभांश राशि समूह के महिला मन ल मिलिस हे।
गौठान म गोधन न्याय योजना के तहत 2458 क्विंटल गोबर के खरीदी करे गय हे। सामुदायिक बाड़ी ले विगत बछर म लगभग 1 लाख 50 हजार रूपिया के सब्जी के बिक्री करे गए हे। लौकी, खट्टा भाजी, पपीता, भांटा समेत कई प्रकार के साग भाजी के बेचरि करे गए हे। मशरूम उत्पादन ले 2 हजार 200 रूपिया के लाभ मिले हे। फिर से मशरूम उत्पादन के तियारी करे जाथ हे। समूह के महिला मन ह बतइस कि बाड़ी म रागी तको लगाए रहिस हे, जेकर से 40 किलो रागी के उत्पादन होए हे। पशु मन के चारा ब नेपियर घास लगाय गया हे। केला, हल्दी के फसल लीए गए हे। जय माँ दुर्गा स्वसहायता समूह अउ जय माँ वैष्णवी स्वसहायता समूह के महिला नीलम साहू, नम्रता साहू, लुकेश्वरी, त्रिवेणी, उमेश्वरी, राधा, नगीना, पूर्णिमा, डोमेश्वरी साहू वर्मी कम्पोस्ट निर्माण ले जुडे़ हे। जय माँ कल्याणी स्वसहायता समूह कती ले कुक्कुट पालन करे जाथ हे। जेकर से लगभग 2 लाख रूपिया के आमदनी होए हे। अउ प्रतिज्ञा स्वसहायता समूह ह मछली पालन के काम म लगे हे। जेकर से लगभग 30 हजार रूपिया कमके फायदा होए हे।
