ग्राम भकुर्रा म मनरेगा के तहत तालाब गहरीकरण काम ले गांव वाले मन ल मिलीस रोजगार अऊ रूकिस पलायन : जल संरक्षण ले मिलिस निस्तारी अऊ सिंचाई के सुविधा

राजनांदगांव, छुरिया विकासखंड के ग्राम भकुर्रा म मनरेगा के तहत तालाब गहरीकरण के काम ले न केवल स्थानीय गांव वाले मन ल रोजगार मिलीस अऊ पलायन रूकिस, भलुक जल संरक्षण काम ले गांव वाले मन ल लाभ मिलीस। 9 लाख 96 हजार रूपिया के लागत ले 110 मीटर लंबाई 95 मीटर चौड़ाई के तालाब के गहरीकरण करे गीस। मनरेगा के तहत रोजगार मिले ले गांव के मनखे मन ल रोजगार के तलाश म शहर मन म भटकना नइ परिस। तालाब गहरीकरण काम कराए ले तालाब के सफाई होइस अऊ तालाब म पानी जादा मात्रा म भराइस। अब गर्मी के दिन म घलोक तालाब म पानी भरे रहिथे, जेखर से गर्मी के दिन म होवइया पानी के समस्या दूर हो गीस। तालाब के पानी के उपयोग निस्तारी अऊ सिंचाई बर करे जात हे। जेखर से गांव वाले मन ल बहुत लाभ प्राप्त होए हे। तालाब गहरीकरण कराए ले आसपास के भूजल स्तर म वृद्धि होइस अऊ अब आसपास के खेत मन म नमी बने रहिथे, जेखर से फसल के कूत म घलोक बढ़ोतरी होइस।