मंत्री श्रीमती लक्ष्मी राजवाड़े ह अजबनगर म सायकल बांट के पढ़ईया लईका मन ल करिन प्रोत्साहित

सूरजपुर, महिला अऊ बाल विकास अऊ समाज कल्याण मंत्री अऊ भटगांव विधानसभा विधायक श्रीमती लक्ष्मी राजवाड़े सूरजपुर जिला के भटगांव विधानसभा अंतर्गत ग्राम अजबनगर पहुंचिन, जिहां उमन शासकीय हाई स्कूल म आयोजित सायकल बांटे के कार्यक्रम म मुख्य अतिथि के रूप म संघरिन।
कार्यक्रम के समय मंत्री श्रीमती राजवाड़े ह छात्रा मन ल सायकल दे के ऊंखर उज्ज्वल भविष्य के शुभकामना दीन। उमन कहिन के सायकल वितरण योजना ले लइका मन ल विद्यालय आए-जाए म सुगमता होही, जेखर से शिक्षा के प्रति उंखर निरंतरता बने रइही अऊ गुणवत्तापूर्ण अध्ययन ल बढ़ावा मिलही। ए बेरा म स्थानीय जनप्रतिनिधि, शिक्षक-शिक्षिका अऊ बड़ संख्या म विद्यार्थी अऊ ग्रामीणजन उपस्थित रहिन।