रायपुर, 21 अक्टूबर 2020। राज्य ग्रामीण आजीविका मिशन (बिहान) महिला मन ल मजबूत करे बर बहुत अकन आयाम मन म काम करत हे। मुख्यमंत्री श्री भूपेश बघेल के सियानी म छत्तीसगढ़ सरकार ह महिला मन ल सामाजिक अऊ आर्थिक रूप ले सशक्त अऊ स्वावलंबी बनाए खातिर स्वरोजगार शुरू करे बर प्रशिक्षण अऊ वित्तीय सहायता उपलब्ध कराए के संगेच ऊंखर उत्पाद मन ल घर-घर तक पहुंचाए के घलोक व्यवस्था करत हे। स्वसहायता समूह के महिला मन ल स्वरोजगार बर मल्टी-यूटिलिटी सेंटर अऊ गौठान मन म जगा अऊ संसाधन उपलब्ध कराए जात हे। बिहान के कई ठन गतिविधि मन ले प्रदेश के महिला मन ल अड़बड़ रोजगार मिलत हे। आमदनी बढ़े ले परिवार के माली स्थिति बने होए के संग लइका मन के बेहतर परवरिश अऊ पढ़ाई-लिखाई घलोक होवत हे।
राज्य ग्रामीण आजीविका मिशन ह खोलिस महिला मन के आर्थिक सशक्तिकरण के रद्दा
