रायपुर, 16 सितंबर 2020। राजयसभा सांसद फूलोदेवी नेताम ह नगरनार इस्पात संयंत्र के संबंध म माननीय इस्पात मंत्री धर्मेन्द्र प्रधान ल पत्र लिखिन। सांसद ह लिखिन हे कि भारत सरकार इस्पात मंत्रालय के अधीन नवरत्न सार्वजनिक क्षेत्र के उद्यम एनएमडीसी लिमिटेड द्वारा लगभग 20 हजार करोड रूपिया ले जादा के लागत म बस्तर म नगरनार स्टील प्लांट लगाये जावत हे। अभी ये प्रोजेक्ट पूरा घलो नइ होय हे लेकिन केन्द्र सरकार ह बस्तर के ये स्टील प्लांट के निजीकरण करे के निर्णय कर ले हे।
अत्यन्त दुर्भाग्यपूर्ण हे कि छत्तीसगढ के आदिवासी अंचल म सार्वजनिक क्षेत्र के प्रस्तावित स्टील प्लांट के निजीकरण करे जावत हे। एकर ले लाखो आदिवासी के उम्मीद अउ आकांक्षा ल गहरा आघात पहुचत हे।
सांसद ह सरकार ले आग्रह करे हे कि केन्द्र सरकार नगरनार स्टील प्लांट के निजीकरण के निर्णय बर पुन: विचार करे अउ येला सार्वजनिक क्षेत्र के उद्यम के रूप म ही बनाए रखे जाए।