दुर्ग, राज्य शासन कोति ले वीर अऊ साहसी बालक-बालिका मन ल सम्मानित करे बर स्थापित राज्य शौर्य पुरस्कार बर 20 दिसंबर तक आवेदन करे जा सकत हे। अवइया गणतंत्र दिवस समारोह म चुने गए बालक-बालिका मन ल सम्मानित करे जाही। जउन बालक-बालिका मन ल पुरस्कृत करे जाही वो लइका मन ल मेडल, प्रशस्ति पत्र अउ 15 हजार नगद के अलावा छात्रवृत्ति घलोक प्रदान करे जाही।
हम आप ल इहां बता देवन के ये पुरस्कार के तहत अइसन लइका मन ल सम्मानित करे जाथे जेमन कोनो दूसर मनखे के जीवन के रक्षा या ओला शारीरिक क्षति ले बचाय बर निस्वार्थ रूप ले अदम्य साहस, शौर्य अऊ बुद्धिमत्ता के परिचय देहे होवय। ये पुरस्कार 1 जनवरी 2019 ले लेके 31 दिसंबर 2019 के अवधि बर दिए जाही।
ये पुरस्कार बर आवेदन करे संबंधी जरूरी जानकारी अऊ आवेदन के प्रारूप जिला कार्यक्रम अधिकारी कार्यालय महिला अउ बाल विकास विभाग पांच बिल्डिंग परिसर दुर्ग अऊ सबो विकास खंड मन के एकीकृत बाल विकास परियोजना मन ले पाए जा सकत हे। आवेदन करइया बालक-बालिका के आयु घटना दिनांक के 18 साल ले जादा नइ होना चाही। एक बालक बालिका ल सबो जरूरी कागद मन के संग तीन प्रति म 20 दिसंबर तक आवेदन जमा करना होही।
