राज्य स्तरीय शिक्षक पुरस्कार ले सम्मानित होइन शिक्षक राजेश पांडे अऊ मधु तिवारी, कलेक्टर ह दीस बधाई

कोण्डागांव, राष्ट्रीय शिक्षक कल्याण प्रतिष्ठान छत्तीसगढ़ इकाई कोति ले शासकीय बालक उच्चतर माध्यमिक शाला कोण्डागांव के व्याख्याता राजेश पांडे अऊ शासकीय प्राथमिक शाला धाकड़पारा पलारी कोण्डागांव के सहायक शिक्षक एलबी मधु तिवारी ल उल्लेखनीय लोक सेवा, अनुकरणीय अध्यापन अऊ उत्कृष्ट काम बर राज्य स्तरीय शिक्षक पुरस्कार ले सम्मानित करे गीस। ए शिक्षक मन ल शिक्षक दिवस के दिन राजधानी रायपुर म आयोजित समारोह के समय ये पुरस्कार के तहत् 21 हजार रूपिया के सम्मान निधि संग शॉल अऊ प्रशस्ति पत्र प्रदान करे गीस। ए दुनों शिक्षक मन ह आज कलेक्टर दीपक सोनी ले भेंटकरके अपन उपलब्धि के बारे म अवगत कराइन। ये मौका म कलेक्टर श्री सोनी ह इमन ल पुरस्कार बर बधाई दीन अऊ शिक्षा के क्षेत्र म उत्कृष्ट अऊ उल्लेखनीय काम करे संग नवाचार बर उंखर उत्साहवर्धन करिन।