राज्य वित्त सेवा के सेवानिवृत्त अधिकारी मन ल करिस सम्मानित
मुख्यमंत्री ह कोविड-19 के कठिन बेरा म बढ़िया वित्तीय प्रबंधन करे ब वित्त विभाग के अधिकारी मन के सराहना करिस
रायपुर. 24 जून 2023
मुख्यमंत्री श्री भूपेश बघेल आज छत्तीसगढ़ वित्त सेवा अधिकारी संघ के सम्मान समारोह अउ स्नेह सम्मेलन म संघरिस। मुख्यमंत्री ह रायपुर के पंडित जवाहर लाल नेहरू चिकित्सा महाविद्यालय के ऑडिटोरियम म आयोजित कार्यक्रम म वर्ष 2015 के बाद सेवानिवृत्त हुए वित्त विभाग के अधिकारी मन ल सम्मानित करिस। ओ ह राज्य वित्त सेवा अधिकारी संघ के स्मारिका ‘सुनिधि’ के घलो विमोचन करिस। वित्त विभाग के सचिव श्री अंकित आनंद, कोष अउ लेखा संचालक श्री नीलकंठ टीकाम, पेंशन संचालक सुश्री नम्रता गांधी अउ संस्थागत वित्त के बिसेस सचिव अउ संचालक सुश्री शीतल वर्मा घलो कार्यक्रम म उपस्थित रहिस।
मुख्यमंत्री श्री भूपेश बघेल ह कार्यक्रम ल मुख्य अतिथि के रूप म संबोधित करत हुए कहिस कि वित्त अउ चित्त म गहरा संबंध हे। जब वित्त बढ़िया हो त चित्त घलो बढ़िया होथे। वित्त विभाग पूरा प्रदेश के व्यवस्था ब धमनी के काम करथे। जिहां जतका जरूरत हे उहां ओकता राशि वित्त विभाग आबंटित करत हे। मुख्यमंत्री ह कहिस कि राज्य के वित्तीय प्रबंधन म वित्त विभाग बढ़िया काम करत हे। कोरोना संकट के समय राज्य के वित्तीय व्यवस्था ब परीक्षा के समय रहिस हे। ओ भीषण संकट के दौर म घलो वित्तीय सेवा ले जुड़े अधिकारी-कर्मचारी मन ह राज्य के अर्थव्यवस्था ल संभाले राखीस। जे घनि देश म चारों डहर मंदी के वातावरण रहिस हे, तभो छत्तीसगढ़ कमके अर्थव्यवस्था गतिशील रहिस हे।
मुख्यमंत्री श्री बघेल ह कहिस कि आज जे अधिकारी के सम्मान होइस हे ओमन के मैं अभिनंदन करत हव। पुराना पेंशन योजना लागू करे ह राज्य के अधिकारी-कर्मचारी मन के जुन्ना मांग रहिस हे। हमन एला लागू करे के फैसला करेन त केंद्र सरकार ह एकर उपर असहयोगात्मक रवईया अपनाइस। तभो ले वित्त विभाग के कार्यकुशलता ले पुराना पेंशन योजना ल प्रदेश म सफलतापूर्वक लागू करे गइस।
कार्यक्रम म वित्त विभाग के सचिव श्री अंकित आनंद ह कहिस कि राज्य शासन के नीति अउ योजना ल लागू करे म वित्त सेवा के अधिकारी मन के महत्वपूर्ण भूमिका हे। ओमन ह शासन के दिशा-निर्देश के संग मितव्ययता बरतत हुए वित्तीय प्रबंधन करथे। ओ ह विभाग के वरिष्ठ अधिकारी मन ब सम्मान समारोह अउ स्नेह सम्मेलन के आयोजन ब राज्य वित्त सेवा अधिकारी संघ ल बधाई दीस। क ह उम्मीद जताईस कि संघ कती ले आघू घलो ए प्रकार के आयोजन होवत रही। कार्यक्रम म राज्य वित्त सेवा अधिकारी संघ के अध्यक्ष श्री के.एल. रवि अउ महासचिव श्री सचिन शर्मा समेत अउ आने पदाधिकारीगण अउ राज्य वित्त सेवा के अधिकारी बड़ संख्या म मौजूद रहिस हे।
Neha Rathore