राज्यपाल सुश्री अनुसुईया उइके ल देहे गीस भाव-भीनी विदाई

रायपुर, राज्यपाल सुश्री अनुसुईया उइके ल आज इहां माना स्थित स्टेट हैंगर म भावभीनी विदाई देहे गीस। ओ मन ल विमानतल म गार्ड ऑफ ऑनर दे गीस। ये बेरा म मुख्यमंत्री श्री भूपेश बघेल ह सुश्री उइके ल पुष्प गुच्छ भेंट करके विदाई दीन। एखर संगे संग विधानसभा अध्यक्ष डॉ. चरणदास महंत, गृह मंत्री श्री ताम्रध्वज साहू, संस्कृति मंत्री श्री अमरजीत भगत, शिक्षा मंत्री डॉ. प्रेमसाय सिंह टेकाम, कोरबा के सांसद श्रीमती ज्योत्सना महंत, विधायक श्री सत्यनारायण शर्मा, विधायक श्री बृजमोहन अग्रवाल ह घलोक सुश्री उइके ल विदाई दीन।