रायपुर, 22 फरवरी 2021। राज्यपाल सुश्री उईके ह विधानसभा के बजट सत्र म सदस्य मन ल नवा बछर के बधाई देवत अपन अभिभाषण सुरू करिन। उमन कहिन के छत्तीसगढ विधानसभा के पहिली सत्र म आप सबो मन के हार्दिक अभिनंदन करत हंव। मोला खुशी हे कि आप मन सब ‘गढ़बो नवा छत्तीसगढ़’ के कल्पना ल साकार करे बर एकजुट होके काम करत हव। कोरोना महामारी ह पऊर साल उदुपहेच पूरा दुनिया ल ढ़न्धमात अंधियार म ढकेल दे रहिस। मानवता के आगू आवइया ये ऐतिहासिक संकट ले निपटे म आप सबो मन हमर सरकार ल जेन सहयोग देव, प्रदेश के जनता ल राहत देवाए म जऊन जमीनी मदद करेव, ओखर बर में आप सबो ल साधुवाद देवत हंव। कोरोना संकट के अंधियरी बेरा अऊ जंजाल ले बाहिर निकले के भरोसा के संग, नवा साल के शुरुआत होइस। कोरोना-प्रभावित विकास काम मन के संग नवा लक्ष्य मन ल पूरा करे के दुहरी जिम्मेदारी मन के सफलतापूर्वक निर्वाह बर, मैं आप सब बर शुभकामना प्रेषित करत हंव।
उंकर पूरा अभिभाषण आप हिन्दी म इहां पढ़ सकत हव।
