रइपुर, 27 मार्च 2021 शनिच्चर । राज्यपाल ह प्रदेशवासी मन ल रंग के परब होली के बधई अउ शुभकामना दीन । उन्मन ह ये बेरा म जम्मो नागरिक मन के सुख, समृद्धि अउ खुशहाली के कामना करीन। राल्यपाल ह होली परब के आगू संझा म जारी अपन शुभकामना संदेशा म कहीन हे कि होली के तिहार बड़े-छोटे, ऊंच-नीच के भेदभाव मिटाके सब ल प्रेम, आत्मीयता अउ समरसता के रंग म चोरोबोरो कर देथे। ये परब ह आपसी भाईचारा अउ सौहार्द्र ल पोठ करे के आवय।
राज्यपाल ह कहीन कि ये तिहार ह हमन ल अपन भीतर अहंकार, बुरई मन ल दूरिहा करे के तको प्रेरणा देथे । उन्मन प्रदेशवासी मन ले सामाजिक सौहार्द्रपूर्ण वातावरण म पर्यावरण के अनुकूल होली मनाए के अपील करीन हे । उन्मन कहीन कि कोरोना संक्रमण के फैलाव ल देखत जम्मो लोगन उछाह अउ उमंग के ये तिहार के बेरा म जम्मो जरूरी सावधानी बरतैं, मास्क पहिनैं, शारीरिक दूरी बनाए रखैं, हाथ मन ल सेनिटाइज करत रहयं। जतका हो सकै घरे म होली मनावय अउ बाहिर भीड़-भाड़ ले बाचें काबर कि सुरक्षा म ही बचाव हवय।
राज्यपाल ह होली परब के दीन शुभकामना
