राज्यपाल के जनमदिन म नइ होवय कोनो आयोजन

रइपुर, 08 अप्रैल 2021 बिरस्पत। राज्यपाल सुश्री अनुसुईया उइके ह कोरोना संक्रमण अउ लॉकडाउन के अइसन बेरा ल देखत ए पइत 10 अप्रैल के अपन जन्मदिन के अवसर म राजभवन म कोई आयोजन नइ करवाए के निर्णय लिए हावय । राज्यपाल ल जन्मदिन म शुभकामना संदेश सोशल मीडिया के माध्यम ले प्रदान कर सकत हे।
राज्यपाल ह आमजन मन ले अपील करे हावय कि वर्तमान समय म कोरोना ले जंग जारी हवय। पीछू कुुछु दिन म संक्रमण के दर बाढ़िस हवय। उन मन कहीन हे कि कोरोना संक्रमण ले बचाव बर शासन के दिशा-निर्देश मन के पालन करयं अउ विशेष सावधानी बरतैं। संगे —संग भीड़ वाले जगा मन म जाए ले बाचैं, सामाजिक दूरी का पालन करैं, मास्क बजुर लगावयं अउ हाथ मन ल घेरी —बेरी धोवत रहय। संगे —संग प्रशासन डाहर ले लगाए लॉकडाउन के नियम मन के बजुर पालन करैं।