स्वतंत्रता दिवस म राज्यपाल श्री हरिचंदन ह दिस सुभकामना

रायपुर, 14 अगस्त 2023
स्वतंत्रता दिवस के अवसर म राज्यपाल श्री विश्वभूषण हरिचंदन ह प्रदेशवासी समेत जम्मो देशवासी, सेना के जवान अउ स्वतंत्रता सेनानि मन ल सुभकामना दिस हे।
राज्यपाल श्री हरिचंदन ह अपन संदेश में कहिस कि 15 अगस्त मस भारत गौरवशाली आजादी के 77 बछर पूरा करत बे। हमार अजादी के लड़ाई लम्बा अउ कठिन रहिस अउ एमा असंख्य बहादुर लोगन मन अपन बलिदान दिस। वो समस्त महापुरूष अउ बलिदानी मन ल नमन करत हन। महात्मा गांधी, सुभाष चन्द्र बोस अउ अनेक सेनानी मन ह अपन-अपन तरिकास भारत ल ब्रिटिश शासन ले मुक्ति देवाए म महत्वपूर्ण भूमिका निभाईस। हमन ल वो असंख्य सेनानी मन के बलिदान ल नई भूलना चाहिए। ए आजादी ल कायम राखे ब हमार सेना के वीर जवान अउ पुलिसकर्मी मन ह घलो अपन शहादत दिस हे। उमन ल श्रद्धांजलि अर्पित करत हुए कहिस कि उकर योगदान ल कभू भुलाय नई जा सकय।
राज्यपाल  कहिस कि भारत के आजादी के 75 बछर पूरे म अउ ईहां के लोगन, संस्कृति अउ उपलब्धि के गौरव शाली इतिहास ल सुरता करे अउ उत्साह मनाए ब हमन आजादी का अमृत महोत्सव मनावत हन। ए महोत्सव असंख्य स्वतंत्रता सेनानी मन ल हमार श्रद्धांजलि हे। हम सब आजादी के ए पावन पर्व म देश ल विघटनकारी अउ असामाजिक तत्व ले मुक्ति देवाये के संकल्प लेबों।
राज्यपाल श्री हरिचंदन ह युवा पीढ़ी ले घलो आहवान करिस कि भारत के एकता आज अखण्डता ल मजबूत करे म अपन सक्रिय भूमिका निभावय।