रइपुर. 23 अप्रैल 2021 शुकवार । राज्यपाल सुश्री अनुसुईया उइके ह आज पं. जवाहर लाल नेहरु स्मृति चिकित्सा महाविद्यालय के कोविड-19 टीकाकरण केंद्र पहुंचके कोरोना वैक्सीन के दूसरइया डोज लगवाइन। राज्यपाल ह छत्तीसगढ़वासी मन ले अपील करीन सबो पात्र लोगन मन कोरोना वैक्सीन अवश्य लगवावयं। वैक्सीन लगवाए ले शरीर म रोगप्रतिरोधक क्षमता विकसित होही जेकर हमन ल कोरोना ल हरोए म मदद मिलही। कोरोना के टीका लगवाए के पीछू तको मास्क बजुर लगावयं अउ कोविड-19 के बचाव के जम्मो उपाय मन के पालन करैं।
वैक्सीन लगे के पीछू वोमन आधा घंटा बर निगरानी कक्ष म रिहिन। चिकित्सा महाविद्यालय के अधिष्ठाता डॉ. विष्णु दत्त ह राज्यपाल ल कोरोना के वैक्सीनेशन पूर्ण करे के प्रमाण पत्र तको दीन।
राज्यपाल सुश्री अनुसुईया उइके ह कोरोना के विरुद्ध जारी संघर्ष म मेडिकल कॉलेज अस्पताल रायपुर कोति ले करे जावत प्रयास मन बर अधिष्ठाता डॉ. विष्णु दत्त अउं उन्कर जम्मो टीम ल बधई दीन।
