नई दिल्ली। राज्यसभा चुनाव तारीख़ के घोषणा होगे हे. छत्तीसगढ़ सहित 17 राज्य के 55 सीट मन म 26 मार्च के चुनाव होही. जोन राज्य मन म चुनाव होने हे वोमा- छत्तीसगढ़ के 2 सीट, महाराष्ट्र के सर्वाधिक 7 सीट, तमिलनाडू के 6 सीट, पश्चिम बंगाल अउ बिहार म 5 सीट के संग ओडिशा, आंध्र प्रदेश अउ गुजरात के 4-4 सीट सामिल हे.
2 अप्रैल के महाराष्ट्र ओड़िशा, तमिलनाडू अउ पश्चिम बंगाल के राज्य सभा सीट मन खाली होही वहीं 9 अप्रैल के 11 अउ 12 अप्रैल के मेघालय के सीट मन खाली होही. राज्यसभा चुनाव बर 6 मार्च के अधिसूचना जारी होही. 13 मार्च तक नामांकन भरे जाही. वहीं 16 मार्च के नाम मन के स्क्रूटनी, अउ 18 अप्रैल तक नाम वापस ले जा सकत हे. 26 मार्च के मतदान अउ वहीं दिन संझा बेरा मतगणना होही.
बता देथन कि छत्तीसगढ़ म जोन दो सीट बर चुनाव होना हे. वोमा एक सीट म कांग्रेस के कब्जा हे. कांग्रेस के वरिष्ठ नेता मोतीलाल वोरा सदस्य हे. वहीं दूसरा सीट म भाजपा के कब्जा हे. जशपुर राजपरिवार के राजा रणविजय सिंह जूदेव सदस्य हे.
बड़का खबर: राज्यसभा चुनाव तारीख़ के घोषणा, छत्तीसगढ़ सहित 17 राज्य के 55 सीट मन म होना हे चुनाव
