मंत्रिपरिषद के निर्णय (02. 01. 2020)
मुख्यमंत्री श्री भूपेश बघेल के अध्यक्षता म काली आयोजित मंत्रिपरिषद के बैठक म महत्वपूर्ण निर्णय
छत्तीसगढ़ कृषि उपज मण्डी (संशोधन), अध्यादेश 2019 के प्रारूप के अनुमोदन करे गीस। पहिली स्टॉक सीमा 10 क्विंटल अऊ क्रय सीमा 4 क्विंटल रहिस जऊन ल केबिनेट म बढ़ाए गीस। जेखर तहत छोटे व्यापारी अब एक दिन म अधिसूचित कृषि उपज के अधिकतम 20 क्विंटल स्टाक अउ एक दिन म अधिकतम 5 क्विंटल धान्य ले या तिलहन, दाल अउ तन्तु फसल मन ल मिलाके कुल 5 क्विंटल तक क्रय कर सकही।
छत्तीसगढ़ कृषि उपज मण्डी (संशोधन), विधेयक 2019 के प्रारूप के अनुमोदन करे गीस। जेमां राज्य सरकार के प्रदेश के मंडी मन म तउलैया अउ हम्माल मन के प्रचलित पारिश्रमिक दर म समरूपता लाय के दृष्टि ले न्यूनतम पारिश्रमिक दर अधिसूचित करे, मण्डी समिति मन म किसान मन के हित के संरक्षण अऊ उनला उचित प्रतिनिधित्व देहे भारसाधक समिति के गठन के निर्णय ले गीस।
छत्तीसगढ़ राज्य के इलेक्टॉनिक्स, सूचना प्रौद्योगिकी अउ सूचना प्रौद्योगिकी समर्थित सेवा मन म निवेश के नीति 2014-19 के क्रियान्वयन के समयावधि अवैया निवेश के नीति ‘‘2019-24‘‘ लागू होए के तारीक तक बढ़ाए जाय के अनुमोदन करे गीस।
खरीफ विपणन साल 2019-20 म अनुमानित 85 लाख मेट्रिक टन धान उपार्जन बर समर्थन मूल्य म भुगतान बर लगभग 15,000 करोड़ रूपिया के आवश्यता होही। जेकर व्यवस्था बैंक, वित्तीय संस्था मन ले साख सीमा प्राप्त कर के करे जात हे। भारत सरकार अउ राज्य शासन ले खाद्य सब्सिडी के प्रतिपूर्ति अउ खाद्य सब्सिडी के भुगतान करे म बैंक अऊ वित्तीय संस्था मन ले प्राप्त साख सीमा के पुनर्भुगतान करे जाही। ये साख सीमा मन के प्रस्ताव म शासकीय गारंटी म लगैया प्रत्याभूति शुल्क ल माफ करे के निर्णय ले गीस।
राज्य शासन कोति ले साहित्यकार डॉ. नरेन्द्र देव वर्मा से लिखित गीत ‘‘अरपा पइरी के धार, महानदी हे अपार‘‘ ल राज्यगीत अधिसूचित करे गए हे। राज्यगीत ल छत्तीसगढ़ के लोकगायक मन बाजा के संग गाए जाय म गीत के वंदन अवधि 6 मिनट 36 सेकण्ड के हे। जबकि राष्ट्रगान के वंदन अवधि 52 सेकण्ड हे। ये देखे जाथे के राज्यगीत के वंदन के अवसर म मुख्यमंत्री, आन अति विशिष्टजन अऊ जनसमूह उपस्थित रहिथें। जेखर सेती राज्य गीत के वंदन सम्मानपूर्वक करे बर एखर अवधि 1 ले 2 मिनट सीमित करत राज्य गीत के मानकीकरण करे के निर्णय ले गीस।
छत्तीसगढ़ राज्य म शासकीय या नैसर्गिक स्त्रोत ले औद्योगिक प्रयोजन, ताप विद्युत अउ जल विद्युत परियोजना मन बर जल उपयोग बर दिनांक 24 फरवरी 2016 ले प्रचलित जलदर मन के पुनर्निर्धारण के अनुमोदन करे गीस।
रायपुर म अंतर्राज्यीय बस स्टैण्ड निर्माण बर श्री बालाजी स्वामी श्री दुधाधारी मठ रायपुर के 26 एकड़ जमीन के बलदा म ग्राम पिपरौद स्थित शासकीय जमीन ले अदला-बदली के निर्णय ले गीस। एखर से राज्यवासी मन ल लउहे विश्व स्तरीय अंतर्राज्यीय बस स्टैण्ड के सुविधा मिल सकही।
रायबहादुर भूतनाथ डे चेरिटेबल ट्रस्ट बूढ़ापारा रायपुर के भवन, जिहां अभी हाल म हरिनाथ अकादमी के स्कूल संचालित हे, ल राज्य सरकार कोति ले विवेकानंद स्मारक के रूप म विकसित करे जाही। एखर बलदा म डे चेरिटेबल ट्रस्ट ल मलेरिया क्षय रोग अस्पताल कालीबाड़ी म जमीन देहे के निर्णय ले गीस।