रायपुर, मुख्यमंत्री श्री भूपेश बघेल ह आज इहां साइंस कॉलेज मैदान म आयोजित राज्योत्सव के गरिमामय शुभारंभ समारोह म कई ठन क्षेत्र मन म उत्कृष्ट काम करइया 11 नागरिक मन अऊ संस्था मन ल राज्य अलंकरण ले सम्मानित करिस।
येमा अहिंसा अऊ गौरक्षा बर यतियतन लाल सम्मान विद्यासागर गोविंदी देवी चैरिटेबल ट्रस्ट ग्राम सांकरा, जिला धमतरी ल दे गीस। खेल बर गुण्डाधूर सम्मान रायपुर के बॉलीबाल खिलाड़ी श्री दिपेश कुमार सिन्हा, महिला उत्थान बर मिनीमाता सम्मान भिलाई के सुश्री रूखमणी चतुर्वेदी, सामाजिक चेतना अऊ सामाजिक न्याय के क्षेत्र म गुरू घासीदास सम्मान गुरू घासीदास साहित्य अऊ संस्कृति अकादमी अऊ सामाजिक, आर्थिक व शैक्षिक क्षेत्र म सुग्घर उदीम बर पंडित रविशंकर शुक्ल सम्मान बिलासपुर जिला के ग्राम गनियारी के जन स्वास्थ्य सहयोग संस्था ल दे गीस। साहित्य के क्षेत्र म देहे जाय वाला पंडित सुन्दर लाल शर्मा सम्मान रायपुर के श्री सैय्यद अय्यूब अली मीर, कला अऊ संगीत बर चक्रधर सम्मान रायपुर के श्री मिर्जा मसूद, लोक कला बर दाऊ मंदराजी सम्मान दुर्ग के श्री कुलेश्वर ताम्रकार अऊ कृषि के क्षेत्र म डॉ. खूबचन्द बघेल सम्मान सारंगढ़ के श्री खीरसागर पटेल ल दे गीस। चन्दूलाल चन्द्राकर स्मृति पत्रकारिता पुरस्कार प्रिन्ट मीडिया बर दुर्ग के श्री रोम शंकर यादव अऊ इलेक्ट्रॉनिक मीडिया बर रायपुर के श्री ज्ञानेन्द्र तिवारी ल प्रदान करे गीस।
