24 फ़रवरी 2022 रइपुर। राजिम माघी पुन्नी मेला म संत समागम शुभारंभ के मुख्य अतिथि राज्यपाल सुश्री अनुसुईया उइके ह सरस मेला के भरपूर आनंद लीन अउ आनीे बानी के स्टाल म जाके स्वसहायता समूह के माइलोगनन अउ स्थानीय कलाकार मन ले सहजता अउ आत्मीयता ले गोठियाइन। उन् मन स्टॉल म लगे आनी बानी के उत्पाद मन के संबंध म विस्तार ले जानकारी लीन। छत्तीसगढ़ राज्य के पराम्परागत खुमरी पहिनके फोटू तको खिंचवाईन। माटीकला के स्टॉल म चॉक घुमाके कलश बनाए म हाथ अजमाइन। बस्तर के सुप्रसिद्ध वाद्य यंत्र तुरही बजाके आनंद लीन। सुश्री उईके ह ग्राम नारी के कुम्हार युगल किशोर चक्रधारी ले बनावत माटी के कलश देखके बहुत उत्सुकता पूर्वक अपन हाथ ले चॉक घुमाके देखीन।
राज्यपाल ह रेशम के स्टॉल म कोसा ले बने कपड़ा मन ल खूब सहिराइस। ग्राम पारागांव के कारीगर श्रीमती सोनकुंवर देवांगन ले बनावत चादर के अवलोकन करीन। हथकरघा स्टॉल म सुश्री उईके ल शॉल भेंट करे गइस। सरस मेला म संगवारी सेल्फी जोन म राज्यपाल ह खुमरी पहिनके सेल्फी लीन।
राज्यपाल सुश्री उइके राजिम माघी पुन्नी मेला के सरस मेला म लीन भरपूर आनंद
