‘रक्षा सूत्र’ अभियान: दूरिहा अऊ दुर्गम क्षेत्र म तैनात जवान मन तक पहुंचही बहनी मन के मया

सुकमा, सरहद अऊ सुरक्षा व्यवस्था म तैनात जवान मन के प्रति सम्मान अऊ मया प्रकट करे बर सुकमा जिला प्रशासन ह ‘रक्षा सूत्र’ अभियान के अनूठी पहल करे हे। जिला महिला अऊ बाल विकास विभाग कोती ले सुकरवार के दिन पुलिस जवान मन ल राखी भेंट करे गीस, जेला जिला के दूर-दराज अऊ दुर्गम क्षेत्र मन म तैनात जवान मन तक पहुंचाए जाही।
परिवार ले दूर रहिके दिन-रात ड्यूटी म तैनात जवान मन तक रक्षाबंधन के पावन पर्व म राखी पहुंचाके ओ मन ल बहनी मन के मया, शुभकामना अऊ अपनत्व के एहसास कराए जाही।
प्रशासन के कहना हे के जवान मन समाज के सुरक्षा बर कठिन परिस्थिति म अपन फर्ज निभाथें, अइसन म ऊंखर प्रति सम्मान अऊ आत्मीयता जताना समाज के जिम्मेदारी हे। ‘रक्षा सूत्र’ अभियान ले सुरक्षाबल मन के मनोबल बाढ़ही अऊ समाज संग जुड़ाव अऊ मजबूत होही।