मुख्यमंत्री ह प्रदेशवासी मन ल दीन रक्षाबंधन के शुभकामना

रइपुर, 21 अगस्त 2021 शनिच्चर। मुख्यमंत्री दाउ भूपेश बघेल ह प्रदेशवासी मन ल भाई- बहिनी के मया अउ विश्वास के तिहार रक्षाबंधन के बधई अउ शुभकामना दीन हवय। रक्षाबंधन के आगू संझा म जारी अपन बधई संदेश म दाउ बघेल कहीन कि रक्षाबंधन के पावन पर्व हमार संस्कृति के गरिमामय उत्कर्ष के प्रतीक हर जउन बहिनी मन प्रति भाईमन के संकल्प ल पोठ बनाथे। ये पर्व पारिवारिक संबंध मन के हटके तको भाई-बहन के मया के लड़ी मन ल पिरोकर भावना के एक ठो नवा शिखर तियार करथे। बहिनी मन ले भाई के रक्षा बर रक्षासूत्र बांधना अउ बहिनी मन के रक्षा के वचन देना मया अउ आपसी भरोसा ल अउ पोठ करथे। ये तिहार हमन ल माइलोगन मन के सुरक्षा, सम्मान, अस्मिता, महिला सशक्तिकरण के प्रति तको जागरूक अउ प्रतिबद्ध करथे। मुख्यमंत्री ह कामना करीन कि रक्षाबंधन के पर्व सबो के जीवन म सुख-सृमद्धि अउ खुशहाली लेके आवय।