मुख्यमंत्री श्री विष्णु देव साय ह रक्षाबंधन पर्व म प्रदेशवासी मन ल दीन हार्दिक शुभकामना

रक्षाबंधन भाई-बहिनी के स्नेह, विश्वास अऊ सुरक्षा के अटूट बंधन के चिनहारी ये – मुख्यमंत्री श्री साय
रायपुर, मुख्यमंत्री श्री विष्णु देव साय ह रक्षाबंधन पर्व के पावन अवसर म प्रदेशवासी मन ल हार्दिक बधाई अऊ शुभकामना देहे हें। उमन सबो नागरिक मन के सुख, समृद्धि अऊ आपसी सौहार्द के मंगलकामना करत कहिन के ये पर्व भाई-बहन के रिश्ता के आत्मीयता, समर्पण अऊ सुरक्षा के संकल्प के चिनहारी ये।
मुख्यमंत्री श्री साय ह कहिन के रक्षाबंधन के त्यौहार भारतीय संस्कृति के समृद्ध परंपरा ल दर्शाथे, जेमां बहिनी मन अपन भाई के दीर्घायु, सुख-समृद्धि अऊ सुरक्षा बर रक्षा-सूत्र बांधथें, उहें भाई घलोक बहिनी मन के रक्षा अऊ सम्मान के संकल्प लेथें। रक्षाबंधन पारिवारिक अऊ सामाजिक रिश्ता ल सशक्त करइया परब ये।
उमन कहिन के रक्षाबंधन केवल एक पारंपरिक तिहार भर नो हे, बल्कि ये आपसी विश्वास, प्रेम, करुणा अऊ दायित्वबोध के भावना ल घलोक उजागर करथे। मुख्यमंत्री श्री साय ह प्रदेशवासी मन ले आग्रह करिन के ओ मन ए बेरा म समाज म सौहार्द्र, भाईचारा अऊ महिला सम्मान ल अऊ जादा सशक्त बनाए बर संकल्प लेवंय।
मुख्यमंत्री श्री साय ह विशेष रूप ले प्रदेश के बेटी, बहिनी अऊ मातृशक्ति ल रक्षाबंधन के शुभकामना देवत कहिन के राज्य सरकार महिला सशक्तिकरण, सुरक्षा अऊ सम्मान बर सरलग प्रतिबद्ध हे। उमन विश्वास व्यक्त करिन के ये पावन पर्व सबो नागरिक मन के जीवन म प्रेम, उमंग अऊ एक नवा ऊर्जा के संचार करही।