महिला जनप्रतिनिधि मन ह मुख्यमंत्री श्री बघेल ल बाँधीन राखी

मुख्यमंत्री श्री बघेल के कलाई म सजीस धान के बाली वाला बिहान महिला समूह मन के बनाए राखी

रायपुर, 22 अगस्त 2021/ रक्षाबंधन के पावन पर्व के अवसर म मुख्यमंत्री श्री भूपेश बघेल के निवास कार्यालय म आज राज्यसभा सांसद श्रीमती छाया वर्मा, छत्तीसगढ़ महिला आयोग के अध्यक्ष श्रीमती किरणमयी नायक, छत्तीसगढ़ राज्य अंत्यावसायी सहकारिता वित्त विकास निगम के उपाध्यक्ष सुश्री नीता लोधी, जिला पंचायत महासमुंद के अध्यक्ष श्रीमती उषा पटेल, श्रीमती सीमा वर्मा अउर श्रीमती लीना भारती ह मुख्यमंत्री ल राखी बांधके मुख्यमंत्री श्री बघेल बर मंगलकामना करिन। मुख्यमंत्री ह बहिनी मन ल उपहार भेंट करके ऊंखर प्रति ए मया अऊ मान बर धन्यवाद दीन। छत्तीसगढ़ राज्य महिला आयोग के अध्यक्ष श्रीमती किरणमयी नायक ह धान के बाली ले बने राखी मुख्यमंत्री ल बांधीन। राजनांदगांव बिहान समूह के बहिनी मन के बनाए ये राखी उमन ऑनलाईन मंगवाए रहिन।