राम वन गमन पथ के महत्वपूर्ण स्थल के रुप म विकसित होही रामाराम

रायपुर 18 मार्च 2020। सुकमा जिला के रामाराम ल धार्मिक अऊ पर्यटन स्थल के रूप म नवा पहिचान मिलही। राम वन गमन पर्यटन परिपथ म होए के कारण एला धार्मिक पर्यटन स्थल के रूप म विकसित करे जाही। मुख्य सचिव श्री आरपी मंडल छत्तीसगढ़ शासन के महात्वाकांक्षी योजना राम वन गमन रस्ता ल मुर्तरुप देहे बर आज सुकमा जिला के महत्वपूर्ण धार्मिक स्थल रामाराम पहुंचिन। उमन उहां अधिकारी मन ल ये महत्वपूर्ण धार्मिक स्थल के सौन्दर्यीकरण संग जरूरी सुविधा विकसित करे के संबंध म चर्चा करिन। ये बेरा म संस्कृति विभाग के सचिव श्री पी अन्बलगन, प्रधान मुख्य वन संरक्षक श्री राकेश चतुर्वेदी, श्री संजय शुक्ला, आईजी श्री पी सुंदरराज, कलेक्टर श्री चंदन कुमार संग वरिष्ठ अधिकारीगण उपस्थित रहिन।