रायपुर, 28 अगस्त 2023
मुख्यमंत्री दाऊ भूपेश बघेल मंगलवार 29 अगस्त के रायपुर जिला के ऐतिहासिक अउ धार्मिक स्थल चम्पारण म राम वन गमन पर्यटन परिपथ के अंतर्गत निर्माण कार्य मन के मुँहउघरई करही अउ उहां होवइया रामायण महोत्सव मं तको संघरही।
कार्यक्रम म विधानसभा अध्यक्ष डॉ. चरणदास महंत अउ उप मुख्यमंत्री श्री टी.एस. सिंहदेव माई पहुना बनके संघरही। कार्यक्रम के पगरइती गृह, जेल, लोक निर्माण, धार्मिक न्यास अउ धर्मस्व पर्यटन मंत्री श्री ताम्रध्वज साहू करहीं। मुँहउघरई कार्यक्रम श्री चंपेश्वर महादेव मंदिर परिसर म मंझनिया 3 बजे होही। इही प्रकार रामायण महोत्सव शासकीय स्कूल ग्राम डगनिया चम्पारण म आयोजित होही। ये बेरा म सांस्कृतिक कार्यक्रम के अंतर्गत जिला स्तर म प्रथम स्थान प्राप्त विजेता मानस मंडली के प्रस्तुति, हनुमान चालीसा के सामूहिक पाठ, श्री प्रभंजय चतुर्वेदी भिलाई के राम भजन अउ सुश्री शन्मुख प्रिया मुम्बई के प्रस्तुति होही।
कार्यक्रम म रायपुर जिला के प्रभारी मंत्री श्री रविन्द्र चौबे, परिवहन मंत्री श्री मोहम्मद अकबर, उद्योग मंत्री श्री कवासी लखमा, नगरीय प्रशासन मंत्री डॉ. शिव कुमार डहरिया, महिला अउ बाल विकास मंत्री श्रीमती अनिला भेंड़िया, राजस्व मंत्री श्री जयसिंह अग्रवाल, लोक स्वास्थ्य यांत्रिकी मंत्री श्री गुरू रूद्र कुमार, उच्च शिक्षा मंत्री श्री उमेश पटेल, खाद्य एवं नागरिक आपूर्ति मंत्री श्री अमरजीत भगत, आदिम जाति विकास मंत्री श्री मोहन मरकाम, लोकसभा सांसद श्री सुनील सोनी विशेष पहुना के रूप म संघरही। कार्यक्रम म संसदीय सचिव श्री चिंतामणी महाराज, श्री विकास उपाध्याय, विधायक श्री धनेन्द्र साहू, छत्तीसगढ़ पर्यटन बोर्ड के अध्यक्ष श्री अटल श्रीवास्तव, गौ सेवा आयोग के अध्यक्ष राजेश्री डॉ. महंत राम सुन्दर दास के गरिमामय उपस्थिति म सम्पन्न होही।
