देश-विदेश के पर्यटक मन के आकर्षण का केन्द्र बनही छत्तीसगढ़ का राम वनगमन पर्यटन परिपथ : मुख्यमंत्री दाउ भूपेश बघेल

रइपुर 05 जुलाई 2021 सम्मार। मुख्यमंत्री दाउ भूपेश बघेल कहीन कि भगवान श्रीराम के ननिहाल छत्तीसगढ़ म ओकर वन गमन सुरता ल जीवंत बनाए बर राज्य के उत्तरी छोेर कोरिया ले लेके दक्षिण म सुकमा तक राम वनगमन पर्यटन परिपथ के सरपट विकास करे जावत हे, अवइया ​बेरा म छत्तीसगढ़ के राम वन गमन पर्यटन परिपथ देश-विदेश के पर्यटक मन के आकर्षण के प्रमुख केन्द्र के रूप म उभरही ।
मुख्यमंत्री दाउ भूपेश बघेल आज इहां अपन घरू कार्यालय म राज्य सरकार के महत्वाकांक्षी परियोजना राम वन गमन पर्यटन परिपथ के प्रगति संग आनी बानी के योजना मन के समीक्षा करत रिहिन। उन राम वन गमन पर्यटन परिपथ विकास के तहत पहिली चरण म चुने 9 जगा मन के प्रगति के संग सिरपुर ल हेरिटेज स्थल के रूप म बुद्धिष्ट थीम म करत विकास कार्य, मां बम्लेश्वरी देवी मंदिर डोंगरगढ, प्रज्ञागिरी स्थल के विकास, ट्रायबल टूरिज्म सर्किट के तहत होवत कार्य मन के समीक्षा करीन।
ये योजना के तहत पहिली चरण म 9 जगा -सीतामढ़ी-हरचौका (कोरिया), रामगढ़ (सरगुजा), शिवरीनारायण-खरौद (जांजगीर-चांपा), तुरतुरिया (बलौदाबाजार), चंदखुरी (रायपुर), सिहावा-सप्तऋषि आश्रम (धमतरी), रामाराम (सुकमा) के विकास करे जावत हे।