- राम वनगमन पर्यटन परिपथ अऊ माता कौशल्या मंदिर परिसर के सौंदर्यीकरण काम के शुभारंभ
- पर्यटन मंत्री श्री ताम्रध्वज साहू, नगरीय प्रशासन मंत्री डॉ शिव कुमार डहरिया, कृषि मंत्री श्री रविंद्र चौबे अऊ संस्कृति मंत्री श्री अमरजीत सिंह भगत होइन सामिल
- पहिली चरण म सीतामढ़ी हरचौका, रामगढ़, शिवरीनारायण, तुरतुरिया, चंदखुरी, राजिम, सिहावा के सप्तऋषि आश्रम, जगदलपुर अऊ सुकमा जिला के रामाराम ल पर्यटन परिपथ के रूप म करे जाही विकसित
रायपुर, छत्तीसगढ़ म राम वन गमन पर्यटन परिपथ के निर्माण अऊ माता कौशल्या मंदिर परिसर के सौन्दर्यीकरण ले प्रदेश के पर्यटन ल एक नवा चिन्हारी मिलही। प्रदेश के गृह अऊ पर्यटन मंत्री श्री ताम्रध्वज साहू के मुख्य आतिथ्य म आज आरंग विकासखंड अंतर्गत ग्राम चंदखुरी म राम वन गमन परिपथ अउ माता कौशल्या मंदिर परिसर के जीर्णोद्धार अऊ सौंदर्यीकरण काम के शुभारंभ करे गीस। ये बेरा म नगरीय प्रशासन अउ श्रम मंत्री डॉ शिवकुमार डहरिया, संस्कृति मंत्री श्री अमरजीत सिंह भगत, कृषि मंत्री श्री रविंद्र चौबे संग विधायक श्री मोहन मरकाम, पूर्व विधायक अउ न्यासी श्री बालाजी स्वामी ट्रस्ट श्री दूधाधारी मठ राजेश्री महंत रामसुंदर दास जी, रायपुर जिला पंचायत के अध्यक्ष श्रीमती शारदा देवी वर्मा, जनपद पंचायत आरंग के अध्यक्ष श्री दिनेश ठाकुर, ग्राम पंचायत चंदखुरी के सरपंच श्रीमती इंदु शर्मा अऊ कौशल्या माता समिति के अध्यक्ष श्री देवेन्द्र वर्मा विशेष रूप ले उपस्थित रहिन।
आप जानतेच हव के मुख्यमंत्री श्री भूपेश बघेल ह छत्तीसगढ़ म राम वनगमन पर्यटन परिपथ निर्माण के घोषणा करे रहिन। जेखर तहत छत्तीसगढ़ सरकार राम वन गमन रद्दा म परइया महत्वपूर्ण जगा मन ल पर्यटन स्थल के रूप म विकसित करत हे। ये मा पहिली चरण म सीतामढ़ी हरचौका, रामगढ़, शिवरीनारायण, तुरतुरिया, चंदखुरी, राजिम, सिहावा के सप्तऋषि आश्रम, जगदलपुर अऊ सुकमा जिला के रामाराम ल राज्य शासन के पर्यटन विभाग कोति ले ए जगा मन ल पर्यटन परिपथ के रूप म विकसित करे जात हे। एखर संगेच रायपुर जिला के चंदखुरी स्थित माता कौशल्या के प्राचीन मंदिर परिसर के घलोक जीर्णोद्धार अउ सौंदर्यीकरण के काम करे जात हे।
ये बात बताना जरूरी हे के शोधकर्ता मन के शोध किताब मन ले मिले जानकारी के मुताबिक प्रभु श्रीराम अपन वनवास काल के 14 बछर म ले करीबन 10 साल ले जादा समय छत्तीसगढ़ म व्यतीत करे गीस रहिन। कई शोध प्रकाशन के मुताबिक प्रभु श्रीराम ह छत्तीसगढ़ म वनगमन के समय करीबन 75 जगा मन के भ्रमण करिन। जेमां ले 51 जगा अइसे हे, जिहां प्रभु राम ह भ्रमण के समय रूकके कुछ समय व्यतीत करे रहिन। राम वनगमन स्थल मन म ले पहिली चरण म एमां ले 8 स्थल मन के पर्यटन के दृष्टि ले विकास बर चयन करे गए हे। इहां जरूरत के मुताबिक पहुंच मार्ग के उन्नयन, साईनजेस, पर्यटक सुविधा केन्द्र, इंटरप्रिटेशन सेंटर, वैदिक विलेज, पगोड़ा, वेटिंग शेड, मूलभूत सुविधा (पेयजल व्यवस्था, शौचालय), सीटिंग बेंच, रेस्टोरेंट, वाटर फ्रंट डेव्हलपमेंट, विद्युतीकरण आदि काम कराए जाही। राम वनब गमन मार्ग म अवइया स्थल मन ल पर्यटन स्थल के रूप म विकसित करे के काम रायपुर जिला के आरंग तहसील के गांव चंदखुरी स्थित माता कौशल्या मंदिर ले चालू करे गए हे।
