छत्तीसगढ़ राज्य निर्माण आंदोलन म स्वर्गीय श्री रामाधार कश्यप के रहिस, अग्रणी भूमिका: श्री भूपेश बघेल

मुख्यमंत्री ह स्वर्गीय श्री रामाधार कश्यप के जीवन संघर्ष उपर आधारित पुस्तक के करिस विमोचन
बिलासपुर शहर म लगही स्वर्गीय श्री रामाधार कश्यप के प्रतिमा: मुख्यमंत्री ह करिन घोषणा

बिलासपुर, मुख्यमंत्री भूपेश बघेल ह आज बिलासपुर के लखीराम ऑडिटोरियम म आयोजित कार्यक्रम म छत्तीसगढ़ राज्य निर्माण आंदोलन के अगुवा नेता अऊ पूर्व राज्यसभा सांसद स्वर्गीय श्री रामाधार कश्यप के व्यक्तित्व अऊ कृतित्व उपर आधारित पुस्तक ‘‘पृथक छत्तीसगढ़ आंदोलन के दुर्धर्ष नायक: रामाधार कश्यप’’ के विमोचन करिन। उमन स्वर्गीय श्री रामाधार कश्यप के पहिली पुण्यतिथि म ऊंखर छायाचित्र म माल्यार्पण करके ओ मन ल श्रद्धांजलि अर्पित करिन। मुख्यमंत्री ह ये बेरा म बिलासपुर शहर के कोनो प्रमुख चौक म स्वर्गीय श्री रामाधार कश्यप के प्रतिमा स्थापित करे के घोषणा करिन। कार्यक्रम के अध्यक्षता छत्तीसगढ़ विधानसभा के अध्यक्ष डॉ. चरणदास महंत ह करिन। मुख्यमंत्री ह ये बेरा म स्वर्गीय श्री रामाधार कश्यप के अनन्य सहयोगी श्री मन्नूलाल साहू अऊ श्री सुशील भोले ल आयोजन समिति कोति ले शाल अऊ श्रीफल भेंट करके सम्मानित करिन। ‘‘पृथक छत्तीसगढ़ आंदोलन के दुर्धर्ष नायक: रामाधार कश्यप’’ पुस्तक के संपादन साहित्यकार श्री डी. डी. महंत ह करे हें।

लउछरहा..