सोशल मीडिया म रमायन महोत्सव के प्रसारण ह जनरेट करिस 10 मिलियन व्यूज
ट्विटर म घलो ट्रेंड करत रहिस रमायन महोत्सव
2 देश अउ 13 राज्य के 17 दल के 375 कलाकार मन ह 765 मिनट के दिस सानदार प्रस्तुति, वर्ल्ड रिकॉर्ड घलो बनाइस
ऐतिहासिक आयोजन ले जुडिस देश दुनिया के मनखे
रायपुर, रायगढ़ म आयोजित राष्ट्रीय रामायण महोत्सव के सोशल मीडिया म घलो अबड़ धूम रहीस हे। विभिन्न सोशल मीडिया चौनल म महोत्सव के 3 दिन के कार्यक्रम ह 10 मिलियन ले जादा व्यूज जनरेट करे हे। जेकर मतलब हे राष्ट्रीय रामायण महोत्सव लगभग 1 करोड़ लोग मन तक फेसबुक, इंस्टाग्राम, यूट्यूब, ट्विटर के माध्यम ले पहुंचिस।
रामायण महोत्सव के कार्यक्रम के सरलग सीधा प्रसारण सोशल मीडिया पेजे मन म करे जाथ रहिस हे। फेसबुक अउ इंस्टाग्राम म राज्य अउ जिला के प्रोफाइल्स ले कार्यक्रम ले जुड़े अपडेट प्रसारित होवत रहिस हे। यूट्यूब चैनल्स अउ ट्वीट के माध्यम ले घलो लोग मन रामायण महोत्सव ले जुड़े रहिस हे।
गौरतलब हे कि ए ऐतिहासिक आयोजन म दू ठ रिकॉर्ड्स घलो ए बेरा म बनिस । पहिली 10 हजार ले जादा मनखे मन के सामूहिक हनुमान चालीसा पाठ अउ दूसरा कंबोडिया व इंडोनेशिया सकेत भारत के विभिन्न राज्य के 17 ठ दल के 375 कलाकार मन कती ले अरण्यकाण्ड म 765 मिनट के प्रस्तुति दीए हे। कुमार विश्वास, लखबीर सिंह लक्खा, बाबा हंसराज रघुवंशी, मैथिली ठाकुर, शन्मुख प्रिया अउ शरद शर्मा जईसे देश के नामचीन कलाकार मन ह तीन दिन तक अपन शानदार प्रस्तुति ले दर्शक मन के मन ल मोहिस।
ट्विटर म पूरा देश म ट्रेंड करत रहिस हे रामायण महोत्सव
रामायण महोत्सव के आयोजन के सोशल मीडिया प्लेटफार्म ट्विटर म घलो बनेच चरचा म रहिस हे। आयोजन के बेरा रामायण महोत्सव के हैशटैग पूरा देश म टॉप ट्रेडिंग म रहिस हे।
