ओडिशा के कलाकार के रामायण आधारित पटचित्र के मुख्यमंत्री ह करिस सराहना

भारती श्रमजीवी पत्रकार संघ के प्रदेश अध्यक्ष नितिन चौबे ह मुख्यमंत्री ल पटचित्र के विशेषता के बारे म जानकारी दिस
रायपुर, 28 जुलाई 2023
मुख्यमंत्री भूपेश बघेल करा आज ईहां उकर निवास कार्यालय म भारती श्रमजीवी पत्रकार संघ (छत्तीसगढ़ ईकाई) के प्रतिनिधिमंडल ह मुलाकात करिस। प्रदेश अध्यक्ष श्री नितिन चौबे ह रायपुर जिला के कार्यकारिणी के बारे म मुख्यमंत्री ल जानकारी दिस। श्री बघेल ह नवनियुक्त जिलाध्यक्ष श्री दिलीप साहू, महासचिव श्री नदीम मेमन, कोषाध्यक्ष श्री अमित बाघ, समेत जम्मो पदाधिकारी मन ल उमन के नियुक्ति ब बधई दिस। प्रतिनिधि मंडल म प्रदेश समन्वयक श्री पवन सिंह ठाकुर, सदस्यता प्रभारी श्री विक्की पंजवानी, प्रदेश प्रतिनिधि श्री जावेद जैदी, श्री शुभम वर्मा, सुश्री खुशबू ठाकरे हावय।
ए अवसर म प्रतिनिधिमंडल ह मुख्यमंत्री ल ओडिशा ले लाने पट्टचित्र पेंटिंग भेंट करिस।  बीएसपीएस के प्रदेश अध्यक्ष श्री नितिन चौबे ह मुख्यमंत्री ल बताइस कि रघुराजपुर ओड़िसा के पुरी जिला के ‘‘विरासत हस्तशिल्प गांव‘‘ हे। 160 कलाकार के ए गांव पूरा तरिका ले सुघ्घर पट्टचित्र के कलाकारी अउ तालपत्र म चित्रकारी ब प्रसिद्ध हे, चित्रकारी ब उमन ह कई ठ राष्ट्रीय पुरस्कार घलो मिल गए हे। ए कलाकृति 2016 म राष्ट्रीय गोल्ड मेडल पुरस्कार प्राप्त चित्रकार श्री गोपाल दास ले बनाए हे। कलाकृति म उपयोग कागज अउ रंग सब प्राकृतिक हे। पट्टचित्र हे मोटा कागज म बने हे ओ ह अमली के बीज के संग अउ कछु पेड़ के छाल ल मिला के बनाय गय हे। उहें पेंटिंग म उपयोग सादा रंग सीपी ल पीस के तियार करे गय हे। करिया रंग काजल के हे त अऊ दूसर रंग विविध प्रकार के फूल अउ पेड़ के पत्ति ले तियार करे गए हे। ए नायाब कलाकृति म सम्पूर्ण रामायण ल चित्रकारी के जरिये उभारे गय हे।
प्रदेश उपाध्यक्ष श्री सुखनंदन बंजारे अउ कोषाध्यक्ष श्री गंगेश कुमार द्विवेदी ह मुख्यमंत्री श्री बघेल ल भारती श्रमजीवी पत्रकार संघ के प्रादेशिक सम्मेलन म आमंत्रित करिस।
Neha Rathore