छत्तीसगढ़ के पहिली वित्तमंत्री स्व. रामचंद्र सिंहदेव के जयंती म स्वास्थ्य मंत्री श्री टीएस सिंहदेव ह उंखर प्रतिमा के करिन अनावरण

कोरिया, 15 फरवरी 2021। पंचायत अउ ग्रामीण विकास, लोक स्वास्थ्य अउ परिवार कल्याण, चिकित्सा शिक्षा, बीस सूत्रीय कार्यान्वयन, वाणिज्यिक कर मंत्री श्री टीएस सिंहदेव ह पाछू 13 फरवरी के कोरिया कुमार के नाम ले विख्यात छत्तीसगढ़ के पहिली वित्तमंत्री स्व रामचंद्र सिंहदेव के जयंती के अवसर म आयोजित कार्यक्रम म सामिल होइन अऊ ओ मन ल सुरता करिन। ये बेरा म उमन कोरिया जिला म स्व रामचंद्र सिंहदेव के स्मृति म नगरपालिका शिवपुर-चरचा म नवा बने कुमार गार्डन अउ नगर पालिका परिषद बैकुण्ठपुर म बने कुमार वाटिका के उद्घाटन करिन। एखर संगेच उमन इहां स्व. रामचंद्र सिंहदेव के प्रतिमा के घलोक अनावरण करिन।