मुख्यमंत्री श्री विष्णु देव साय ह नवा राज्यपाल ल दीन बधाई
रायपुर, 31 जुलाई 2024। श्री रमेन डेका ह आज राजभवन के दरबार हॉल म आयोजित गरिमामय समारोह म छत्तीसगढ़ के 10 वां राज्यपाल के रूप म अपन पद के शपथ लीन। छत्तीसगढ़ उच्च न्यायालय के मुख्य न्यायाधिपति न्यायमूर्ति श्री रमेश सिन्हा ह ओ मन ल शपथ देवाइन। राज्यपाल श्री डेका ह ईश्वर के नाम म शपथ लीन। ए अवसर म पहिली महिला श्रीमती रानी डेका काकोटी उपस्थित रहिन। प्रदेश के मुख्यमंत्री श्री विष्णु देव साय, विधानसभा अध्यक्ष डॉ. रमन सिंह, उच्च न्यायालय बिलासपुर के मुख्य न्यायाधिपति न्यायमूर्ति श्री रमेश सिन्हा ह राज्यपाल श्री डेका ल पुष्पगुच्छ भेंटकरके उंखर अभिवादन करिन अऊ शुभकामना दीन।
समारोह म मुख्य सचिव श्री अमिताभ जैन ह श्री रमेन डेका ल छत्तीसगढ़ के राज्यपाल नियुक्त करे बर राष्ट्रपति श्रीमती द्रौपदी मुर्मु कोति ले जारी वारंट ऑफ अपॉइंटमेंट पढि़न। शपथ ग्रहण समारोह के शुभारंभ अऊ समापन सेरेमोनियल पुलिस बैंड के राष्ट्रगान के संग होइस। ए अवसर म राज्य गीत के धुन घलोक बजाए गीस। शपथ ग्रहण के बाद राज्यपाल श्री रमेन डेका ल गार्ड ऑफ ऑनर देहे गीस।
ए बेरा म उप मुख्यमंत्री श्री अरूण साव, वित्तमंत्री श्री ओ.पी. चौधरी, वन अउ जलवायु बदलाव मंत्री श्री केदार कश्यप, वाणिज्य अऊ उद्योग अउ श्रम मंत्री श्री लखन लाल देवांगन, खाद्य, नागरिक आपूर्ति मंत्री श्री दयाल दास बघेल, लोक स्वास्थ्य अऊ परिवार कल्याण, स्वास्थ्य मंत्री श्री श्याम बिहारी जायसवाल, राजस्व, खेलकूद अउ युवा कल्याण मंत्री श्री टंकराम वर्मा, महिला बाल विकास मंत्री श्रीमती लक्ष्मी राजवाड़े, सांसद श्री बृजमोहन अग्रवाल, पूर्व मुख्यमंत्री श्री भूपेश बघेल, संग आन विधायकगण उपस्थित रहिन।
समारोह म छत्तीसगढ़ राज्य सूचना आयोग के आयुक्त श्री एन.के. शुक्ला, श्री आलोक चंद्रवशी, छत्तीसगढ़ महिला आयोग के अध्यक्ष श्रीमती किरणमयी नायक, छत्तीसगढ़ विधानसभा के पहिली अध्यक्ष श्री धरमलाल कौशिक, श्री नारायण चंदेल, श्री गौारीशंकर अग्रवाल, पूर्व मंत्री, सांसद, विधायकगण संग जनप्रतिनिधि, पुलिस महानिदेशक श्री अशोक जुनेजा, अपर मुख्य सचिव श्रीमती रेणु पिल्ले, श्री सुब्रत साहू, श्री मनोज पिंगुआ, राज्यपाल के सचिव श्री यशवंत कुमार, छत्तीसगढ़ हाईकोर्ट के रजिस्ट्रार जनरल श्री व्ही.पी.वर्मा, राज्यपाल के विधिक सलाहकार श्री भीष्म प्रताप पाण्डेय संग वरिष्ठ प्रशासनिक अधिकारी, पुलिस के वरिष्ठ अधिकारी, राज्यपाल के परिजन, विश्वविद्यालय के कुलपति, मीडिया कर्मी अउ आन गणमान्य नागरिक उपस्थित रहिन।