मुख्यमंत्री ह सेमरा-बी के किसान श्री रमेश सिन्हा के घर परिवार के संग करिस भोजन

मुख्यंमत्री ल परोसे गईस मुनगा, लाल भाजी, मखना-कोचई के साग अउ खीर
किसान परिवार ह अपन मुखिया के करिस परंपरागत ढंग ले स्वागत
धमतरी, नेहा राठौर के खबर/ मुख्यमंत्री श्री भूपेश बघेल अपन भेंट-मुलाकात अभियान के बेरा म आज कुरूद विधानसभा के गांव सेमरा बी पहुंचिस। जिहां ओ ह किसान श्री रमेश सिन्हा के घर ओकर परिजन मन के संग मझनिया के भोजन करिस। सिन्हा परिवार ह परंपरागत ढंग ले अपन मुखिया के स्वागत करिस। ए अवसर म महिला अउ बाल विकास मंत्री संग जिला क3 प्रभारी मंत्री श्रीमती अनिला भेड़िया, सिहावा विधायक डॉ. लक्ष्मी ध्रुव तको उपस्थित रहीन हे।
मुख्यमंत्री ह सिन्हा परिवार कोती के परोसे गए छत्तीसगढ़ी भोजन के आनंद लिस, इहां भोजन म मुख्यमंत्री ल भात, दार, रोटी, मुनगा, लाल भाजी, मखना-कोचई के साग अउ खीर परोसे गइस।स्वादिष्ट भोजन ब मुख्यमंत्री ह श्री सिन्हा अउ ओकर परिजन ल उपहार भेंट कर के अभिवादन करिस।
मुख्यमंत्री ले चर्चा के बेरा श्री सिन्हा ह बतइस के ओकर परिवार म 6 सदस्य हवय अउ राशन कार्ड ले परिवार ल पर्याप्त मात्रा म राशन मिल जाथे, संग म करजा माफी होए ले ओमन ल अबड़ राहत मिलीस हे अउ धान बेच के अब बढ़िया आमदनी तको होवत हे। ओमन ह मुख्यमंत्री ल बताइस के पिछले खरीफ बछर म 65 क्विंटल धान बेचे रहिस हे अउ गोबर बेचके 7 हज़ार रुपिया कमाय हवय।