मुख्यमंत्री श्री भूपेश बघेल ह पूर्व विधायक श्री रमेश वर्ल्यानी के पार्थिव शरीर ल खांध देके करिन बिदा

रायपुर, मुख्यमंत्री श्री भूपेश बघेल आज राजधानी रायपुर के शैलेन्द्र नगर म पूर्व विधायक अऊ वरिष्ठ नेता श्री वर्ल्यानी के पार्थिव देह म श्रद्धा सुमन अर्पित करके ओ मन ल भावभीनी श्रद्वांजलि दीन। उमन श्री वर्ल्यानी के पार्थिव देह ल कंधा देके अऊ उखरा पांव ही प्रेम प्रकाश आश्रम तक उंखर आखरी यात्रा म सामिल होइन।
मुख्यमंत्री ह शोक व्यक्त करत कहिन कि श्री वर्ल्यानी आर्थिक मामला के अच्छा जानकार रहिन। उंखर ले हमेशा आर्थिक मामला अऊ योजना मन ल तियार करे म सलाह मशविरा होत रहिस। श्री बघेल ह शोक संतप्त परिवारजन के प्रति संवेदना प्रकट करत ईश्वर ले ये दुःख के घड़ी ल सहन करे के शक्ति प्रदान करे के प्रार्थना करिन।
ये बेरा म मुख्यमंत्री के सलाहकार श्री विनोद वर्मा, छत्तीसगढ़ खनिज विकास निगम के अध्यक्ष श्री गिरीश देवांगन, महापौर श्री ऐजाज ढेबर, सभापति श्री प्रमोद दुबे, श्री आर. पी. सिंह, जनप्रतिनिधिगण अउर नागरिक जन उपस्थित रहिन ।