अम्बिकापुर, सरगुजा जिला के उदयपुर विकासखण्ड मुख्यालय के तीर रामगढ़ के ऐतिहासिक, पुरातात्विक अउ सांस्कृतिक महत्व वाले भारत के जुन्ना नाटयशाला के रूप म विख्यात महोत्सव वाले जगा म हर साल कस ए साल घलोक ‘आषाढ़ के पहिली दिवस’ म रामगढ़ महोत्सव के आयोजन करे जाही।
दू दिन के रामगढ़ महोत्सव के आयोजन 17 अउ 18 जून को होही। महोत्सव के पहिली दिन 17 जून को राष्ट्रीय शोध संगोष्ठी सह कवि सम्मेलन अम्बिकापुर म करे जाही। राष्ट्रीय शोध संगोष्ठी म हिस्सा लेवईया प्रतिभागी शासकीय राजीव गांधी स्नाकोत्तर महाविद्यालय के प्राचार्य डॉ. एस.के. त्रिपाठी ले 15 जून तक सम्पर्क कर सकत हें। अइसनहे रामगढ़ महोत्सव के दूसर दिन सांस्कृतिक कार्यक्रम के आयोजन रामगढ़ म होही। रामगढ म आयोजित सांस्कृतिक कार्यक्रम म भाग लेहे चाहत स्थानीय कलाकार मन अम्बिकापुर के अनुविभागीय राजस्व अधिकारी श्री अजय त्रिपाठी अउ साक्षर भारत कार्यक्रम के जिला परियोजना अधिकारी श्री गिरीश गुप्ता ले सम्पर्क कर सकत हें। अइसनहे सांस्कृतिक कार्यक्रम म भाग लेहे चाहत विद्यालय अउ महाविद्यालय के विद्यार्थी मन जिला शिक्षा अधिकारी कार्यालय ले सम्पर्क कर सकत हें। कलेक्टर डॉ. सारांश मित्तर कोति ले रामगढ़ महोत्सव के सफल आयोजन बर अधिकारी अउ कर्मचारी मन के ड्यूटी लगा देहे गए हे। उमन कर्तव्यस्थ अधिकारी मन अउ कर्मचारी मन ल निर्देशानुसार अपन दायित्व के निर्वहन करे के निर्देश देहे हें।
