रामकथा के कलात्मक प्रस्तुति के सबले आरंभिक दृश्य रायगढ़ के ओंगना पहाडी म राष्ट्रीय रामायण महोत्सव म होही रामायण के विराट मंचन

भव्य रामकथा जे कई जुग ले कई रूप म कला म अभिव्यक्त होवत आईस, कई प्रदेश म अउ कई देश म कई रूप म अभिव्यक्त होइस, ओ सब ल समाहित कर प्रस्तुत करे के अभिनव पहल हे राष्ट्रीय रामायण महोत्सव
शैल चित्र म दिखथे रामायण प्रसंग के झलक, जनश्रुति म मिलथे उल्लेख
धरमजयगढ के ओंगना पहाड़ि म अंकित हे श्री राम अउ दशानन के बीच युद्ध असन चित्र
समृद्ध सांस्कृतिक विरासत ल आघू बढ़ाए 1 ले 3 जून तक रायगढ़ के रामलीला मैदान म आयोजित होवत हे राष्ट्रीय रामायण महोत्सव
रायपुर, मुख्यमंत्री श्री भूपेश बघेल रायगढ़ म राष्ट्रीय रामायण महोत्सव के आयोजन करात हे एकर माध्यम ले देश-विदेश म प्रचलित रामायण के विविध रूप अउ भगवान श्रीराम के आदर्श के झलक महोत्सव के माध्यम ले देखे ब मिलही। मुख्यमंत्री डहर ले करे जाथ ए पहल ओ विशिष्ट परंपरा ल ऊंचाई देहे के दिशा म सार्थक पहल हे जेकर सबले पहिली शुरूआत ओ शैलचित्र ले होइस जे रायगढ़ के ओंगना म दिखथे। इहां लोकअनुश्रुति हे कि ओंगना के पहाड़ि म रामकथा के चित्रण हे। इहाँ दस सिर वाले एक व्यक्ति के युद्ध एक युवक से होवत दिखाय गय हे। लोक अनुश्रुति हे कि दस सिर वाला व्यक्ति रावण हे अउ ओकर से युद्ध करत व्यक्ति श्री राम। र तरह रामकथा के कलात्मक प्रस्तुति के के बीज ओंगना म शैल चित्रकार मन ह रोपे हे, अब ओकर विशिष्ट कलात्मक प्रस्तुति रामायण महोत्सव के रूप म होही।
रायगढ़ ले रामायण के जुड़ाव के ए अमूल्य विरासत ल आघू बढ़ाए के क्रम म मुख्यमंत्री श्री भूपेश बघेल के विशेष पहल म रायगढ़ के रामलीला मैदान म 01 से 03 जून तक प्रदेश के पहिली राष्ट्रीय रामायण महोत्सव के भव्य आयोजन होए जाथ हे। जेमा देश विदेश के मंडलि रामायण के अरण्य काण्ड म प्रस्तुति देही। ए विराट आयोजन के तैयारि जोर-शोर ले करे जाथ हे। रामायण प्रसंग के मंचन के संग ही कार्यक्रम म हनुमान चालीसा के सामूहिक पाठ अउ केलो महाआरती अउ दीपदान के कार्यक्रम तको आयोजित हवय।