रायपुर, मुख्यमंत्री श्री विष्णु देव साय ह राजधानी रायपुर के पचपेड़ी नाका स्थित रामकृष्ण केयर हॉस्पिटल म अत्याधुनिक रामकृष्ण केयर कैंसर इंस्टीट्यूट के सुभारंभ करिन। मुख्यमंत्री ह अस्पताल म उपलब्ध आधुनिक सुविधा अउ मशीन मन के जायजा लीन अउ डॉ. संदीप दवे के भाई स्वर्गीय प्रदीप दवे ला श्रद्धांजलि अर्पित करिन।
मुख्यमंत्री ह कहिन के डॉ. संदीप दवे के भाई के कैंसर ले निधन के बाद उपजे संकलप के नतीजा हे के आज ए कैंसर इंस्टीट्यूट के सुरुआत होईस। एखर से मरीज मन ला एकेच छत के खाल्हे जांच अउ इलाज के पूरा सुविधा मिलही, जेखर से लोगन मन ला इलाज बर बाहर नइ जाना परही।
कार्यक्रम म विधानसभा अध्यक्ष डॉ. रमन सिंह ह कहिन के कैंसर के सुरुआती जांच अउ पहचान जरूरी हे, जेखर से इलाज म मदद मिलथे। उहें स्वास्थ्य मंत्री श्री श्याम बिहारी जायसवाल ह बताइन के राज्य गठन बेरा सिरिफ 1 मेडिकल कॉलेज रहिस, जेहा अब बाढ़ के 15 हो चुके हे। बस्तर अउ बिलासपुर म सुपर स्पेशलिटी अस्पताल घलो सुरू हो चुके हे। ए मौका म सांसद श्री बृजमोहन अग्रवाल अउ विधायक श्री मोतीलाल साहू समेत कई झन गणमान्य लोगन उपस्थित रहिन।
मुख्यमंत्री विष्णु देव साय ह करिन रामकृष्ण केयर कैंसर इंस्टीट्यूट के सुभारंभ, छत्तीसगढ़ म स्वास्थ्य सेवा ला मिलही नवा मजबूती
